حسین باجون گلدی شامدن یاتما دور اویان قارداش #اربعین_شهاب_اهری

اربعین
..
..
..
#سبک_خداحافظ_ای_آنام_باجی … #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار
..
..
..
شهاب پور اهری
..
..
..
..
حسین باجون گلدی شامدن
یاتما دور اویان قارداش (۲)
اولوب فراقونده گوز یاشیم
سیل تک روان قارداش (۲)
..
..
..
..
گزوب اخا شام و کوفه نی، باغریقان باجون زینب
اولوب سنه غملی نوحه خوان هر زمان باجون زینب
دوزوب بو قرخ گونده محنته ناتوان باجون زینب
اجازه وئر ایلیوم سنه بیر به بیر بیان قارداش
..
..
..
..
حسین گلوب اربعینیوه دل شکسته زوّارون
چاغیر منی پیشواز ائده تشنه لب علمدارون
مگر گوزوندن آتوب منی سرو قدّی سردارون
سنون گوزوندن ایراق اولوب قامتیم کمان قارداش
..
..
..
..
حسین سنه زینبون فدا قامتیم دونوب داله
قوجالمیشام قرخ گونی اخا قالمیشام یامان حاله
یانیقلى قلبیم دوتوب عزا تیره بخت و اقباله
فلک ائدوب من قرا گونی مشکل امتحان قارداش
..
..
..
..
بحمد الله یئتوب باشا ایندی عالم هجران
مخدّرات حرم گلوب قبرون اوستونه مهمان
مریض عشق اهلبیتیوه دور اوزون ائله درمان
گتورموشم قانلو کوینگون الده ارمغان قارداش
..
..
..
..
منی باغیشلا حسین سنی بی کفن قویوب گئتدیم
سنین او باشسیز جنازه وی حسرتیله ترک ائتدیم
گئدوب سنون قانلی نهضتون عالمه بیان ائتدیم
باجون ولكن او صحنه دن قالدی ناگران قارداش
..
..
..
..
بلالی شام ایچره یا حسین دوندی گوندوزوم شامه
چتیندی هرچند او محنتین شرحی چاتسون اتمامه
نئجه دیوم گئتدی زینبون اوردا مجلس عامه
گروه کین هاردا زینبه وئردی بیر امان قارداش
..
..
..
..
باجون قولی باغلی قرخ گونی دشمنه اسیر اولدی
مخدّرات و حرملرین قلبی قانیله دولدی
خرابه شام ایچره بیر گولون دست ظلمیله سولدی
غریق بحر محن قیزون قیلدی بذل جان قارداش
..
..
..
..
#اربعین #شهاب_اهری #ترکی #زبدةالاشعار