حسین گوزوندن ایراق حال احتضاریدیم #زینبیه_زلفی_تبریزی

زبانحال حضرت زینب سلام الله علیها در لحظات احتضار
.
✍️ #زبدةالاشعار ✍️
.
🆔: @nohe_torki
.
#زلفی_تبریزی
.
حسین گوزوندن ایراق حال احتضاریدیم
گوزوم یولوندا قالوب قارداش انتظاریدیم
.
عزیز فاطمیم دیلده نسگیلیم چوخدی
غریب اولکه ده بیر حالیمی بولن یوخدی
.
بو پاره کوینگوی قویموشام سینم اوسته
ایدوبدی غصه منی دل ملول و دلخسته
.
نولار حسین گله سن گوزلریمی باغلاماقا
منی کفن ایلیوب باشیم اوسته آغلاماقا
.
بو کهنه کوینگون ایکاش حسین اولا کفنیم
خموش اولا هامی سینمده کی غم و محنیم
.
یتور سلامیمی نهر اوسته قولسوز عباسه
وفالی قاداشیما میر و اشجع الناسه
.
حسین یادیمدادی کفار داش وروردی سنه
چوخور یرین غمی قاداش چوخ گراندی منه
.
امان او گونده کی اوضاع قتل و غارتدن
جفای قوم ظلم رد اولوب نهایتدن
.
هجوم اولاندا اولوب گوللرون نجه پامال
گوزومله گوردوم حسین یاندی بیر نچه پر و بال
.
بالاجا قزلاری غارتده رام ایدن باجیوام
اسیر شمر و سنان کوفیه گیدن باجیوام
.
قولومدا قمچی یری ایمدیده سیزلدار گل
بو انتظاری نولار جان ویرنده قورتار گل
.
ساغالماسا بدنونده یارالارون گلمه
بو حالیلن گوزومون یاشینی گلوب سیلمه
.
دوشنده یاده علی اکبر آغلارام های های
و یا گلر دیلیمه لای لای اصغریم لای لای
.
بوکولدی دفتر عشقیم یوزوم قالوب یرده
فلک انیس ایلدی زینبی غم و درده
.
بو شعره خاتمه ویر زلفی طول اولار مطلب
یقین بو یازدیقیوا بذل و لطف ایدر زینب
.
.
.
.
#زینبیه_شهادت
#حسین_گوزوندن_ایراق_حال_احتضاریدیم
#زلفی_تبریزی
#ترکی
.
✍️ #زبدةالاشعار ✍️
.
🆔: @nohe_torki