اربعین
..
..
..
#سبک_ساخلا_ناقه_می … ( 8 سبک برای سینه زنی و زنجیر)
..
..
هادی قهرمانی
..
..
..
..
..
دور حسین باجون شهر شامیدن
گور نه حالیله باغریقان گلوب
پر شکسته دلخسته قوش کیمی
آشیانه سی اوتلانان گلوب
..
..
..
..
..
غصه لر یوروب زینبی ز بس
روحوم اینجییب خسته گلمیشم
بیر خدا بولور شامیدن نجه
عاقبت اولوب رسته گلمیشم
اربعینوه قیزلارون یغوب
باشیمه بو قبر اوسته گلمیشم
بیر دویونجا تا اوخشیم سنه
گور نجه باجون نوحه خوان گلوب
..
..
..
..
..
سینمه قویان وقتن اللرون
دل قوی ولی گوز چو ابریدی
دوزموشم غمه باعثی همان
سندن آلدیقیم بیر او صبریدی
قبریوه فدا جانی زینبون
نه گوزلدی ششگوشه قبریدی
بلبلم بو گول تک مزاریوه
عندلیب غم نغمه خوان گلوب
..
..
..
..
..
سندن آیریلان گوندن آغلیرام
هیچ فرحلنوب بیرجه گولمدیم
خولیه قوناق گیتماقون حسین
فاطمه آنام جانی بولمدیم
نیزده گورن وقته بولموشم
قالمیشام ندن قارداش ئولمدیم
گوردوم اونداکی کوللره باتوب
خولی منزلینده یاتان گلوب
..
..
..
..
..
اهل بیتیوی شامیان دون
دست بسته شامه آپاردیلار
یولاری گیجه گوندوزه سالوب
قیزلارین توانین آلاردیلار
قورخی گورمین نازلی قیزلاری
قمچی الده دایم ویراردیلار
اعتنا قوشون ایلمزدیلر
نالیه حرم توأمان گلوب
..
..
..
..
..
شام شومیده بیر خرابه ده
اهل بیتیوه ویردیلر مکان
سقف سیز خرابه گیجه سویوق
گوندوز ایستیدن اولمادی امان
نازنین رقیه دوزنمدی
باشیوی گورن لحظه ویردی جان
غصه مرگ اولوب اونداکی گوروب
باشیوی دوداقیندا قان گلوب
..
..
..
..
..
شرح ایدیب اگر دردیمی یازام
اوت دوتوب یانار خامه و کتاب
گوزیاشیم آخیر دیده دن نجه
بارش ایلیوب آغلیار سحاب
زینبین هله دردی بیر یانا
گور نه آغلیری بی نوا رباب
اصغری اویات خواب نازیدن
شیرخواره لای لای چالان گلوب
..
..
..
..
..
باش گوتور یارالی نظاره ی
اهل بیت اطهار ایله حسین
منکی بیر به بیر دردیمی دئدیم
سنده دردون اظهار ایله حسین
دور فراتیدن سو گتورموشم
آچ اوروجون افطار ایله حسین
اکبرون هایاندا یاتوبدی بس
گورسون ایندی وقت اذان گلوب؟
..
..
..
..
..
#هادی نوکر اولسان حسینه گر
بسدی بوشلا اوزگه مناصبی
#شانی چوخ گوزل یازدی سنده یاز
اجریوی ویرر نوحه صاحبی
(کس علاقه خلق زمانه دن
سوز سوز اولسا بول چوخدی طالبی
هر باخان گورر گوز یاشین کیمی
سوز روان گلوب خوش بیان گلوب)
..
..
..
..
..
#اربعین
#دور_حسین_باجون_شهر_شامیدن
#هادی_قهرمانی
#ترکی
#زبدةالاشعار
نظر دهید