دُر رخشندۀ دریایِ حیا زینبدور #زینبیه_ستار_رزاقی

..در مقام زینب کبری (س)
.
#زبدةالاشعار
.
: @nohe_torki
.
ستار رزاقی
.
دُر رخشندۀ دریایِ حیا زینبدور
مَه تابندۀ اِسپهر وفا زینبدور
.
مظهر عصمت و تقوا و عفاف و پاکی
معنیِ معرفت و صدق و صفا زینبدور
.
تربیت یافتۀ مکتب زهرای بتول
دخترِ عالمۀ شیر خدا زینبدور
.
عِلم و حِلم و اَدَب و جود و سَخاده دریا
روحِ ایمان و مناجات و دعا زینبدور
.
صبر و ایثار و شجاعتده تاپیلماز مثلی
اهل ایثاره گوزل راهنما زینبدور
.
بی معلّم اولان عَلّامَه لَرون عالِمَه سی
زینَت پنج تَن آل عَبا زینبدور
.
دائما رهبرینون امرینه لبیک دئیَن
پیرو جان بکف راه وَلا زینبدور
.
چکمییَن دهریده بیرلحظه حسینوندن اَل
ایلیَن جانینی قارداشه فدا زینبدور
.
عشقینی کربوبلاده یتورن اثباته
ایدن ائوز دِینینی بو یولدا اَدا زینبدور
.
قتلگاه ایچره حمایت اِلیین قارداشدان
ایتمیَن شمر ستمگردن اِبا زینبدور
.
شیر تک حمله ایدن دشمن بد کرداره
آدلانان شیر زن کربوبلا زینبدور
.
شیر یزدان قیزی سیندیرمادی غمدن ائوزونی
ثابت ایلوب کی ایدن عهده وفا زینبدور
.
ظاهرا گرچه حسینون عَلَمین یخدی عدو
ایدن اول پرچم خونینی بپا زینبدور
.
نهضت کربوبلانون عَلَمی چیگنونده
کوی و برزنده ایدن حقّی ندا زینبدور
.
کیمدی بیر کس بووقَدَر درد و بلایه دایانوب
فرض ایدن درد و غمی عشق و صفا زینبدور
.
خطبه سیله اِلیَن کوفه نون اهلین بیدار
باطنی حقدن ایدن نطقی جدا زینبدور
.
سربه زیر ابن زیادی الیَن مجلسده
اول جفاکاری ایدن خوار فنا زینبدور
.
چوخ وقاریله دولاندیردی حسینون حرمین
چون پرستار و کفیل اسرا زینبدور
.
حفظ ایدوب قافله کربوبلا عزّتینی
قیدیدن ایلیین اول جمعی رها زینبدور
.
قلب شاماتیده فتحون عَلَمین نصب الیوب
صبح ظلّامی ایدن شام قرا زینبدور
.
صبریله رشته بیدادی آچوب قولاردان
صبرینه مات قالان ارض و سما زینبدور
.
خاصّ و عام ایچره یزیدی اِلیین خوار و ذلیل
دیین اول ظالمه یاابن الطلقا زینبدور
.
صبر ایدن دهریده جور و ستم اعدایه
دائما سینه سی آماج بلا زینبدور
.
کربلا غَملَری خَم قیلدی رَسا قامتینی
آغلیان قارداشینا صبح و مسا زینبدور
.
درد الیندن بو قَدَر ایتمه نوا رزاقی
چونکی هر درده بو عالمده دوا زینبدور
.
بَزم ماتمده ریاسیز گَل اوتور آگاه اول
کی عزا مجلسینه صاحب عزا زینبدور
.
.
#زینبیه_مدح
#در_رخشنده_دریای_حیا_زینبدور
#ستار_رزاقی
#ترکی
.
#زبدةالاشعار
.
: @nohe_torki