دیار شامه گل گور بیر نلر وار یا رسول الله #ورود_شام #ذهنی_زاده

ورود آل الله به شهر شام
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 8 سبک … منیم ای تشنه قربانیم … حسین ای شاه مظلومان … ئوزوم گوردوم …
.
مرحوم ذهنی زاده
.
دیار شامه گل گور بیر نلر وار یا رسول الله
قصاص بدر و خیبردن خبر وار یا رسول الله
.
.
بو گون چوخ فرقی وار شامین دوننکی شهر شامیله
گیدیر دروازۀ ساعاته مردم ازدحامیله
دیرسن بس گیدیر دعوایه قصد انتقامیله
غضبدن قول و فعلنده کدر وار یا رسول الله
.
.
گیدنلردن دیور بعضیسی بدرین کارزاریندن
ئولنلر درد قتلندن قالانلار آہ و زاریندن
دیور قوم یهودی فتح خیبر روزگاریندن
یهودون بغض و کینیندن خدر وار یا رسول الله
.
.
گئدنلر گر چه قصد انتقامیله گیدور اما
سلاح جنگیدن اللرده یوخدور بیر خبر اصلا
اتکلر دولدوروب داشدان جوانلار پیرلر یوخسا
حرمده صید اولان طیهو مگر وار یا رسول الله
.
.
ایا ای رحمةً للعالمین عالملره سرور
نه طیهو هر قیزون بیر پر شکسته بسمله بنزر
قالوب صیاد بی رحمین الینده قورخودان تیترر
گورر هر لحظه جانه مین خطر وار یا رسول الله
.
.
نه ایستر قیزلاروندان امّت بی ننگ و نام آلسون
نه جرم ایلوب او قیزلار دادین ایستر اهل شام آلسون
مگر اسلامیدن کافرلر ایستور انتقام آلسون
چاغیر گلسین بنی هاشم اگر وار یا رسول الله
.
.
#ورود_شام #ذهنی_زاده
#دیار_شامه_گل_گور_بیر_نلر_وار_یا_رسول_الله
#ترکی
.
✍️ #زبدةالاشعار ✍️
.
🆔: @nohe_torki