ورود کربلا
..
..
..
..
مرحوم حاج شفیع تفاخری اردبیلی
..
..
..
..
ساخلا قطاری ایسته دیگیم یئردی قارداشیم
دوز عاشقم سؤزوم هدفیم بیردی قارداشیم
..
روز ازلده ائیلمیشم بو یئرى قبول
قان آغلییا گرک بو مکاندا آنام بتول
..
بویئر او یئردی ختم پیمبر وئروب خبر
بو یئر او یئردی که آتام حیدر وئروب خبر
..
بویئر او یئردی غملری آغلاتدی آدمی
شان و شرافتی قویوب حیرنده عالمی
..
بویئر اویئردى نوح وخلیلی ائدیب غمین
وررام بو یئرده نصر من الله پرچمین
..
بویئر اویئردى قلب لری قانه دونده رور
قان قوملارین بو یار ائله مرجانه دونده رور
..
بو دشت غمده قانیله بیر دستماز اولار
محشر اولونجا توپراقی مهر نماز اولار
..
بوردا یاخین زمان قورولار عالی بیر بنا
احبابیمه محل دعا و نیاز اولار
..
هر کیم او بارگاهه گله حاجت آلماقا
باب امید اونون اوزونه فوری باز اولار
..
کرب و بلا دئیورله بورا چوخ بلاسی وار
هم نینوادی نئی دن علاوه نواسی وار
..
بو یئر نئجه بلالی دی منده بلالییام
یثرب منه وطندی ولی کربلالییام
..
عباس ای وفالی برادر ! ، قباقه گل !
بیر نئچه سوز واریمدی دیوم ائیله سن عمل
..
اوّل سؤزوم بو دور باجیما سن دئ مطلبی
غم دشتینه پیاده ایله عملی زینبی
..
آز قالدی عزّتی تاپا بو یرده خاتمه
بیلمور هله گلیب بو چوله بزم ماتمه
..
بیرده سو حاضر ائتمکیچون ائیلئیون تلاش
چیگنوزده مشک لرله گئدون نهر علقمه
..
هر قدری ایسته سوز گتورون خوردا قیزلارا
آزاد دور نه واردی موکل نه هلهله
..
بیر گون اولار ائدر قدغن قوم اشقیاء
بیر شربه سیندن اؤتری دوشر عترتیم غمه
..
بسدور اشاره ، سهلدی گول غنچه لر سولار
بیر مشکینه بو دشتیده قول لار قلم اولار
..
بیرده باخون بو دشته دویونجا سالون نظر
من ایستورم چوخوردا قورولسون خیام لر
..
فرمان و ئرنده قارداشینا شاه کربلا
زینب ائشیتدی گوز یاشی قان اولدی بر ملا
..
تردیده دوشدی ، قان ائلدی غصّه قلبینی
عرض ائیلدی : حسین سنه اولسون باجون فدا
..
سنلن کى ائتمیشوک بیز او گوندن مسافرت
هر یئرده شاهدم بیزه گوسترموسن وفا
..
سرمنزله یئتنده بو حشمتلی قافله
بیریئر گزردون اولسون اوجا بیرده باصفا
..
فرمان ویرردون اوردا قورولسون خیام لر
قیزلار اوتورسون اولماسون اندوهه مبتلا
..
بوردا ندور سبب ائیلیوبسن بو امری سن
قورسونلا خیمه گاهی چوخوریئرده یا اخا ؟
..
فرمایش ائتدى : مطلبی من روشن ائیلرم
وئررم خبر ندور بو بیاباندا ماجرا
..
شرطی بو دور کی آغلاما ،چوخ توکمه گوزیاشون
دوققوز گون ای باجی سنه مهماندی قارداشون
..
بیر گون گئچر روان اولاجاقدور قوشون بورا
سایسیز یاغیش کیمی دولاجاقدور قوشون بورا
..
اول باخبر قورولسا چوخور یئرده خیمه لر
اولماز باخاندا منظره گوزلرده خیمه لر
..
بیرده بوچؤلده جنگ وجدل قوزانان گونى
میداندا یار و یاوریمیز دوغرانان گونی
..
اکبر عباده حمل اولونان وقته خیمه یه
تازه جوان داغیلا دیلیم داغلانان گولی
..
بیر ائیله گونده یاسه دونر قاسیمون طویی
تازه عروس حنا یئرینه قان یاخان گونی
..
پرچم یاتیب اولنده علمدار کربلا
غم آتشینه غصه لی قلبیم یانان گونی
..
بیر گوندی کی آنام دا گلور دادیمه منیم
بو اللریمده سود امریم اوخلانان گونی
..
محنت او قدر اولار دوزه بیلمزسوز هیچ بیروز
نار مصیبته اورگوز اودلانان گونی
..
اخیامده ائدرسوز او نوعیله سیز بکا
هامی دیلینده ازبر ائدر وا محمّدا
..
من ایستورم صدالروز اعدایه یئتمییه
فریاد و نالوزون سسی میدانه گئتمیه
..
..
ساخلا قطاری ایسته دیگیم یردی قارداشیم #ورود_کربلا_تفاخری_اردبیلی
نظر دهید