وداع حضرت علی اکبر (ع)
زبانحال مادر
..
..
..
..
#سبک_بالام_آغلاما_گلوم_آغلاما و … ( 7 سبک برای سینه زنی و زنجیر ) … من عزیز فاطمیم فلک … سن آت اوسته پای پیاده من … بو خرابه نی ایلمه وطن … دولانور علی قیزی مقتلی و … بالام آغلاما … باجی دور گئداخ …
..
..
..
..
سیفی اردبیلی
..
..
..
..
..
سوزولن ستاره جوان بالا
یوزی ماهپاره جوان بالا
ایده جکدی آیریلیقون بوگون
منی بختی قاره جوان بالا
..
..
..
..
..
هدف شهادتیلن اوغول
گینوبسن ایندیکی آغ کفن
ئوزولور بو دست نیازیدن
گورورم او زلف شکن شکن
بوریور وجودیمی شمع تک
اریدور شرار غم و محن
تا پا بیلمورم بو یانان دیله
نه دوا نه چاره جوان بالا
..
..
..
..
..
بیله گورسنور بو فلک منیم
اورگ آرزومی سراب ایدر
داغیدار تفاقمی سئل کیمی
منی یا که خانه خراب ایدر
گیدوسن قتاله اوغول على
اوره گیم ز بس تب و تاب ایدر
دیه سن خزان یلی ال تاپوب
چمن بهاره جوان بالا
..
..
..
..
..
اوره گیمده عشقیمی ایستورم
سر کوی حقده نشان ویرم
دل بیقراریده دلخوشام
غم بیشماره مکان ویرم
غم آلوب قراریمی حاضرم
قاباقوندا شوریله جان ویرم
ئوزون ئولمه میش منی بوردا سن
قویاسان مزاره جوان بالا
..
..
..
..
..
باخشوندا جدّیوه آیتِ
صُوَر مُحَسَّنیدون على
دیزیمه قوا الیمه عصا
منه بیت ایمنیدون على
ائل ایچنده عزّت و شوکتیم
دیلمون سوزی سنیدون على
نجه باشیمه سالارام سنون
مُحَنونده قاره جوان بالا
..
..
..
..
..
منیم ایندی برج وقاریمون
گوزل اختری سوزولور گیدور
گوزیمون یاشی یاغش اوخشاری
سارالان یوزه دوزولور گیدور
اتگوندن حیف اولا لیلینون
بو امید الى ئوزولور گیدور
اورگیمده اللریم ایلورم
بویوا نظاره جوان بالا
..
..
..
..
..
گوروم ای خدا بو جفا سیر
فلکون مداری دولانماسون
بو جهاندا هیچ ننه نون بالا
بیله آشیانی تالانماسون
نجه سینمون باشی ای گلوم
شرر مصیبته یانماسون
او هوسله من داریان تلون
باتاجاق غباره جوان بالا
..
..
..
..
..
سوزولن ستاره جوان بالا #اکبریه_سیفی_اردبیلی
نظر دهید