شامیان زینب گئدور اما قالوب ریحانه سی #کوچ_شام_مصیبی_تبریزی

«زبانحال زینب (س) با شامیان – کوچ از خرابه شام»
..
..
..
..
مصیبی تبریزی
..
..
..
..
شامیان ؛ زینب گئدور امّا قالوب ریحانه سی
خانه عشقین یاتوبدور بوردا صاحبخانه سی
..
..
جان وئروب ویرانسراده مرغ خوشخوانیم منیم
کیم گوروب ویرانه اولسون بلبلین کاشانه سی
..
..
شامیان زینب گئدور اما خیالی بوردادی
زینبینده شام اولار آخیرده خلوت خانه سی
..
..
دوشموشم بیرچاره سیزدرده دوا یوخ دردیمه
غم شراریندن داشوبدور قلبیمین پیمانه سی
..
..
من قالاردیم بوردا؛امّا قارداشیم یول گوزلوری
آشنالر گئتمسه طغیان ائدر بیگانه سی
..
..
عازمم کرب وبلایه مست جام وصل اولام
بادۀ عشقین بلا دشتینده دور میخانه سی
..
..
گئتممیش اما منیم سیزدن اولار بیر خواهشیم
سیز اجابت ایلیون اولسون ادا شُکرانه سی
..
..
سویگولوم بیکسدی بوردا،قبرینه تئزتئز گلون
قویمیون ظلمتده قالسون قبرینون کاشانه سی
..
..
منصبی باب الحوائج دور بونون عباس تک
سائله ایلر عطا وار ساحت شاهانه سی
..
..
هرنه دردیزاولسا درمانین بو قیزدان ایستیون
هم مطبّی بو حَرمدی همّی داروخانه سی
..
..
آچسا قلبین گر«مُصَیـّب» فاش اولار؛شاماتیده
ایستیر اولسون شمع عشقین نئچه گون پروانه سی
..
..
#کوچ_شام
#شامیان_زینب_گئدور_اما_قالوب_ریحانه_سی
#مصیبی_تبریزی
#ترکی
#زبدةالاشعار