عمه یوزومه چک قره معجر ئولورم من #حضرت_رقیه_نخستین

زبانحال حضرت رقیّه (س) در خرابه شام
..
..
..
..
..
مرحوم نخستین اردبیلی
..
..
..
..
..
عمّه یوزومه چک قره معجر ئولورم من
باغلا گوزومی گلمه دی اکبر ئولورم من
..
..
..
..
..
آثار ئولومدی بشره چون رخ زردی
بوندان صورا مشگلدی چکم عمّه بو دردی
اکبر منی قویمازدی قولی باغلی گلردی
قویمادی اونی گلمگه لشگر ئولورم من
..
..
..
..
..
مدّتدی بی بی گورمورم اول ماه جمالی
هجرانه سالوبدور منی مشگلدی وصالی
سالدی منی مین درده اونون هاشمی خالی
گوزدن منی سالدی آلا گوزلر ئولورم من
..
..
..
..
..
مدّتدى منیم الدن آلوب طاقت و تابیم
قولباغلی وئریم جان بی بی سن آچما طنابیم
نه نوعى وئرر عمّه منیم گلسه جوابیم
گئتدی هارا بس رأس مطهّر ئولورم من
..
..
..
..
..
عمّه بابامون قارداشیمون یوخدی وفاسی
بیلمم نه اولوبدور ائله شاهانه اساسی
شهزاده گییر هاردا بئله کهنه لباسی
شام اهلی ویرار طعنه مکرّر ئولورم من
..
..
..
..
..
چوخ طعنه ویروب سالدیلا بوقلبیمه یاره
اول یاره ئیلن من گئدرم عمّه مزاره
سنکه بیلوسن یوخدی منیم دردیمه چاره
چارم کسیلوب قبلیه دوندر ئولورم من
..
..
..
..
..
پرقوده یاتاردیم یاتورام توپراقین اوسته
بیگانه تماشایه گلور دسته بدسته
بو زنده لیگیم إئتدى منیم روحیمی خسته
بس هاردادور عباس دلاور ئولورم من
..
..
..
..
..
عباس عموم گلمدی ویرانیه افسوس
شمر آج و سوسوز ایله دی من بیکسی محبوس
اول صاحب غیرت منی چوخ ایله دى مأیوس
قول باغلی چالوب قوش کیمی شهپر ئولورم من
..
..
..
..
..
من دختر غمدیدۀ سلطان حجازم
من گلشنِ زهراده بی بی بیر گول نازم
سالدی منی مین درد وغمه بوغم تازم
گهواره ده غارت، هانی اصغر ئولورم من
..
..
..
..
..
باغلادی منیم قولّاریمی دست عداوت
دل یاره سی ویردی منه بی شرم جماعت
سن آغلاما، یالوارما منه وئرمه خجالت
سن سن منه ویرانه ده رهبر ئولورم من
..
..
..
..
..
ای عالی غذالر یرینه غم یین عمّه
چوخدور سنه ویرانه ده دردین دیین عمّه
سن سن منی بو شامیده چوخ ایستین عمّه
آغوشووه إئتدون منى زیور ئولورم من
..
..
..
..
..
آغلاردی «نخستین» بو مصیباتی یازاندا
سؤیلردی یاتار شه قیزی بیر عالی مکاندا
قمچیله ویراردی اونی شمر ایله زماندا
سؤیلردى اونا ویرما مکرر ئولورم من
..
..
..
..
..