قبریوه قربان اولوم یاتما اویان قارداش اویان #اربعین_شهاب_تبریزی

اربعین
..
..
..
..
..
مرحوم شهاب تبریزی
..
..
..
..
..
قبریوه قربان اولوم یاتما اویان قارداش اویان
شامدن دور گلدی پوزقون کاروان قارداش اویان
..
..
..
..
..
مدّتی قارداش دیوب قارداش دولاندیم باش آچوخ
متّصل توکدوم یوزه قانیاش دولاندیم باش آچوخ
قانلو باشون آردیجا بیر باش دولاندیم باش آچوخ
شامه تک آیرمادیم هیچ بر زمان قارداش اویان
..
..
..
..
..
قویمادیم گوزدن کناره قانلو باشون من حسین
سالدون امّا نچّه یرده سن منی گوزدن حسین
کربلادن کوفیه گیتدون قباقجا سن حسین
خولیه اولدون کول اوسته میهمان قارداش اویان
..
..
..
..
..
بیرده اولدی بیر کلیسا باشیوه مأوا سنون
کوفیه گلمیشدی بُلدوم دیدوه عیسی سنون
بازدید اولدی او دیده مقصدون گویا سنون
سن هارا یوخسا هارا ایله مکان قارداش اویان
..
..
..
..
..
هر مصیبت باشوا یتدی ایدوب شرکت باجون
چکمگه درد غمون ایتموب دمی غفلت باجون
شامده دروازۀ ساعتده اوچ ساعت باجون
دوردی عشقون ویردی فتوا دور دایان قارداش اویان
..
..
..
..
..
ویردیلر محمل لریله باشلارا طُرفه نظام
داد او ساعتدن اولوبدی داخل بازار شام
شامون اهلی شاد و خرّم ایلمیشدی ازدحام
دف زنان و کف زنان پیر و جوان قارداش اویان
..
..
..
..
..
کوچه بکوچه دولاندیم شامی اهل شاملن
شامده صبریم کسیلدی طاقت و آراملن
عترت پیغمبری بیر نامناسب ناملن
شامیان ایتدی مخاطب الامان قارداش اویان
..
..
..
..
..
بزم نحس زادۀ هندی نجه ایلوم بیان
سن اؤزون آگاهسن اُول حاله ای شاه جهان
گه شراب ایچدی گھی ایتدی شماتت أُول زمان
گاه ووردی لبلریوه خیزران قارداش اویان
..
..
..
..
..
ای عجب بو تیر غم قلب جهانی دَلمَدی
غصّه و غمدن برادر خاطریم دینجَلمَدی
بیر قیزون ویرانه ده ئولدی حسین جان گَلمَدی
قدّیم اولدی غصّه و غمدن کمان قارداش اویان
..
..
..
..
..
گوز یاشون بزم عزاده مستقل ایله روان
ساخلا ال یازما شهابا روز و شب ایله فغان
سالما دلدن قیل همین بو مَطلعی ورد زبان
قبریوه قربان اولوم یاتما اویان قارداش اویان
..
..
..
..
..