هند اوغلی مسلمان لارا سلطان اولا بولمز #حسینیه_سعدی_زمان

اتمام حجت حضرت سیدالشهدا به کفار یزیدی
ترجمه قسمتی از فرمایشات حضرت حسین (ع)
.
.
مرحوم سعدی زمان
.
.
هند اوغلی مسلمان لارا سلطان اولا بولمز
قانون جفا ناسخ قرآن اولا بولمز
.
.
هیهات حسین ابن علیدن بیله ذلت
هیهات على اوغلى یزیده ایده بیعت
.
.
من غرقۀ بحر عمه امّید فتوحم
طوفان حوادثده بو گون کشتی نوحم
من جسم عوالمده اولان جوهر روحم
کسَّم نظر لطفومی افلاک دولانماز
اولاد امیّه منه فرمانده اولانماز
.
.
من رهبر آزادی و میر حرمینم
من شبل على فاطمیه نور دو عینم
آئینه پیغمبر اسلام، حسینم
هیهات منیم ساحتیمه یول تاپا ذلت
ذاتیم منیم عزّت دی، شجاعتدى، شهامت
.
.
من گوهرِ گنجینۀ پیغمبر حقّم
من حق یولونی آختارانا رهبر حقّم
من کشتی اسلام ده بیر لنگر حقّم
هر دلده اولا ذره جه حُبّیم جذباتی
دوشمز خطر و خوفه تاپار راه نجاتی
.
.
نه جنگدن عالمده جماعت قاچارام من
نه ئوز باشما ننگ نشانین ساچارام من
نه سازش صُلخه سر صحبت آچارام من
واللهى قبول ایلمرم ذلت بیعت
حقّ اوسته سوسوز قانه بویانماقدی سعادت
.
.
شمشیریله ای قوم بو صحراده من ئولم
جاوید حیاتی دمِ شمشیریله بؤلَّم
بو مطلب اولار عالمه معلوم و مسلَّم
علت ندور ئولدوردوله دلخسته حسینی
حق سموز دئدی ئولد وردوله حقّ اوسته حسینی
.
.
خَمّاردی قانه بویارام شاخ یزیدی (1)
امّید آغاجیندان کَسَرَم شاخ یزیدی (2)
دنیا بویی ویران ایدرم کاخ یزیدی
ئوز پاک مرامیم نه دی اعلام ایدرم من
تاریخده هند اوغلونی بدنام ایدرم من
.
.
من بیر نفرم تشنه جگر خسته یارالی
اوغلى ئولن آفاقی دوتان درد و ملالی
دشمن لر ایچینده قالان آشفته عیالی
سیز مین لریله قان توکن اسلامه معاند
من بیر نفر ، ئوز دینیمون اوستونده مجاهد
.
.
نرّاد و زناکار، جری دین حنیفه
زوریله تجاوز ایلین حق ضعیفه
یوخ حقّى أولا امت اسلامه خلیفه
ننگیندی پروندۀ اعمالی یزیدین
پامال ایلیوب حُکمونی قرآن مجیدین
.
.
ای قوم اگر سیزده وار اسلامه عقیده
علت ندی تابع اولوسوز حکم یزیده
تابع اولون احکام خداوند مجیده
قرآن که منیم جدّیمه نازل ایدوب الله
یوخدور بو گون احکامینه من تک اولان آگاه
.
.
دینوزده اگر اولماسا بو دار فناده
باری اولون آزاده و پابند اراده
ائتمون تبعیت ستم و جور و عناده
عالمده مبادا اولاسوز یار ستمگر
محشرده سیزه خصم اولا الله و پیمبر
.
.
قتل اولسا قیامیمده منیم عین هدف دور
دین اوسته شهادت بیزه قانون سَلف دور
قرآنه فدا اولماقوم عالمده شرف دور
هر کیمسه شهادتدن اؤتور اولسا قیامی
دنیاده قالار صفحۀ تاریخده نامی
.
.
هیهات وئرم پاک الیمی دست پلیده
هیهات که من باش اَگَم عالمده یزیده
قربان ایدرم جانیمی قرآن مجیده
سیراب ایدرم قانیمیله روی زمینی
قویمام او زنازاده ایده ملعبه دینی
.
.
الله سوزونه هر کیم « حسینی » اولا سامع
نه بیر کسه ظلم ایلر ، اولار ظُلمه نه تابع
قرآندان اولار نور حقیقت مُتَساطع
علمین عَمَلی اولماسا بیر خشک شَجَردی
علمیله عمل هر ایکی دنیاده ثَمردی
.
.
(1) شاخ = پیمانه
(2) شاخ = شاخه
.
.
#حسینیه_شهادت #حسینیه_مدح
#هند_اوغلی_مسلمان_لارا_سلطان_اولا_بولمز
#ترکی
#آثارالحسینی1 ص 211
#زبدةالاشعار