اربعین
..
..
..
#سبک_ای_ویرن_ویرانه_یرده … عمه بو ویران سراده …
..
..
..
..
مرحوم فرهاد فکری اردبیلی
..
..
..
..
..
پرچم قرآنی قارداش شهر شامه ووردی زینب
قاتل بی رحم ایوینده بزم ماتم قوردی زینب
..
..
..
..
..
دوزدى من مدت خرابه یرده دست بسته قالدیم
تختین اوستونن یزیدی تپراقا مردانه سالدیم
دورت مین اوخلی کوینگوی عاقبت اللردن آلدیم
هفت خوان ظلمی آخر شامیده سندیردی زینب
بو سفرده گور نه چکدیم غصه دن قلبیم سوکولدی
هر دیاره وارد اولدوم باشیمه کوللر توکولدی
کاروان شامه چاتینجا زینبون قدى بوکولدی
باشوه رمزیله دردین نیزه ده آندیردی زینب
..
..
..
..
..
بو یانان سینمده قارداش درد بنیان کن گتیردیم
قیزلارون هر یرده ایتدی ناله و شیون گتیردیم
شامیدن سوغات الیمده قانلی پیراهن گتیردیم
بو محنده شامون اهلین گل کیمین سولدوردی زینب
..
..
..
..
..
قویمادیم تبلیغ دشمن محو ایده بو انقلابی
ایلدیم حفظ و حراست عترتیلن هم کتابی
قیزلارین آچدیردیم آخر قول بوغازیندن طنابی
جیره خواران یزیدی منطقیله یوردی زینب
..
..
..
..
..
اگمدیم دنیاده سن تک حاکم جلّاده من باش
هر بلا گلدی دایاندیم بو قیام اوستونده بشّاش
چکدیلر بزم شرابه باغریقان قیزلاری قارداش
بزم بیداد یزیده گور نجه اود ووردی زینب
..
..
..
..
..
نفعینه تعبیر ایدوردی مست مستانه بو جنگی
وحشته دوشدی سوزومدن یاندی آخر قلب سنگی
آغلیوب آغلاتمیشام چوخ من سفیران فرنگی
آتشین نطقیله جوّ ظلمه اود یاغدیردی زینب
..
..
..
..
..
باشیمون چوخدور بلاسی هانسی دردی ایلیوم فاش
شامه جک باشون جداده بو فکاره اولدی یولداش
کوفیه وارد اولاندا غرفه لردن آتدیلار داش
آتش ظلم و نفاقی کوفه ده سوندوردی زینب
..
..
..
..
..
هر اذیّت که ایدوبلر زینب خونباره چاتدی
بعضی لر دل یاره سینن گوز یاشیمی قانه قاتدی
ساربانلار قمچی ووردی رهگذر لرده داش آتدی
گوزلرینده لیل تاره گوندوزی دوندردی زینب
..
..
..
..
..
منطقیله حکم عزلین ئوز ایوینده ایتدیم امضا
پایتختینده او شاهی ایلدیم بش گونده رسوا
زینبی سالدی ایاقدان محنت ویرانه اما
فکریمه گلمزدی اصلا گور نه گونلر گوردی زینب
..
..
..
..
..
مکتب قرانی ایتدیم دهریده پاینده گلدیم
گزدیم هر شهر و دیاری کربلایه زنده گلدیم
ئولمدیم آخر کنار قبروه شرمنده گلدیم
جان ویرن وقته رقیّون عالمی یاندیردی زینب
..
..
..
..
..
گه آلاردیم سینم اوسته گل یوزونه آی دیردیم
شامیده قیزلار ایچینده یوخ سنه بیرتای دیردیم
یاتماسیدی اگلشردیم صبحه جک لایلای دیردیم
چوخ گیجه لر توزلی زلفین ئوز الیلن هوردی زینب
..
..
..
..
..
شرح ایدم ویرانه دردین اهل عالم یکسر آغلار
دیسگنر یورقون یارالی سینون اوسته اصغر آغلار
غصه دن پایین پاده خواهرینه اکبر آغلار
شامیده ئولدی رقیّون تپراقا تاپشوردی زینب
..
..
..
..
..
بو فضای کربلادن بیر زمان محنت یاغاردی
سینه سیندن آفتابی تپراق اوسته او ساغاردی
باشوی قاتل کسنده غصّه دن باشیم آغاردی
وای حسین وای ناله سیله عالمی دولدوردی زینب
..
..
..
..
..
بو امیدیلن جهاندا دائماً دلخوشدی «فرهاد»
نظمه مرجان تک اورگدن سوزلری هی قوشدی «فرهاد»
حیف آتون بو اربعینه مختصر ناخوشدی «فرهاد»
بلکه بیرگون کربلانون یولارین آچدیردی زینب
..
..
..
..
..
نظر دهید