ورود آل الله به شام
..
..
..
رضا غلامپور (دلپاک)
..
..
..
چاتدی شام اهلی جفائیله مرامه شامیده
اهل بیتین تا دؤنوبدور صبحی شامه شامیده
..
آه جانسوز نوامیس حریم کبریا
پردۀ غم چکدی چرخ نیلفامه شامیده
..
آهوان دشت عصمت سر به سر زنجیریده
دوشدولر صیّاد الیله بیرده دامه شامیده
..
مجری احکام و رأی حاکم افکار شوم
ملتی اویدوردی بیرده فکر خامه شامیده
..
قصد تشدید غمیله چکدیلر هر محملی
بیر یارلی باشیله نظم و نظامه شامیده
..
قافله اما اولوب طی مسیره ناتوان
وارد اولجاق توش اولوب بس ازدحامه شامیده
..
بیر هیاهو قوپدی ناگه گورسنن دم بی امان
محترملر فرقۀ بی احترامه شامیده
..
قیزلارین یپراق تک أسدی قلبی یا صاحب زمان
تا دوشوبدور گوزلری رقص حسامه شامیده
..
بیر منادی سسلدی بو اهل غم دیندن چیخیب
باخ سوزه باخ تهمته باخ اتهامه شامیده
..
وئریلر بیر سس سسه هورا چکیب کف چالدیلار
کل سپنلر عترت خیرالانامه شامیده
..
چالدیلار ساز فرح اهل عزایه گولدولر
هر گولن سویلوب کی چاتدیم گورنه کامه شامیده
..
کاروانین تا آلیب اطرافین اعوان یزید
قالدی کسکین تیغیلر حسرت نیامه شامیده
..
ائتدیلر حمله آتاسیز قیزلارا شمشیریله
دللرین توش ائتدیلر خوف مدامه شامیده
..
مرکب جولان وئرنده خلق آرا هر نیزه دار
وئردی هر باش خاتمه امر دوامه شامیده
..
یعنی بیر بیر دوشدولر تپراقه باشلار نیزه دن
اولدولار اسباب خوش قوم لئامه شامیده
..
اود توکنده اود توکنلر بامیلردن وئردی اوز
آیری بیر غم سید عالی مقامه شامیده
..
اود دوتاندا سید اهل یقین عمامه سی
یاندی باشی چاتمادی ال التیامه شامیده
..
اولمادی ممکن اودی باشیندا خاموش ائیلسون
چون قولی باغلی باخیردی اهل شامه شامیده
..
سویلدی ناگه منی ای کاش آنام دوغموردی تا
گوزلریم دوشموردی بو فعل حرامه شامیده
..
تا بولوب کیمدور بو اهل کاروان قوم یهود
بی مهابا فکر ائدوبلر انتقامه شامیده
..
بعضیلر پیشوازه حاضر اولدی الده تیغیله
بعضیلر داش اللرینده چیخدی بامه شامیده
..
اوز دوتوب زینب حجازه سسلدی ایوای آنا
داش دگنده نیزده رأس امامه شامیده
..
خیردا قیزلارا بویوکلر اوزلرین ائتدی سپر
اولماسینلار تا نشان سنگ خصامه شامیده
..
تا دئدی آهسته بیر قیز عمه جان بس نیلیاخ
امر صبر اولدی مزین بو کلامه شامیده
..
سویلدی عمه ز سیزه قربان اولا صبر ائلیون
سینمیون بو فرقۀ بی ننگ نامه شامیده
..
دلده آه آتشین بیرده دولاندیردی گوزون
باخدی بیر حسرت امام تشنه کامه شامیده
..
سسلدی قارداش گوز آچ باخ بیر منیم احوالیمه
گور نجه توش اولموشام رنج عظامه شامیده
..
باخماسا قیزلار منه من بیر دویونجا آغلارام
بارش اشکیم اثر ائیلر غمامه شامیده
..
خیردا بو قیز کی دوتوبدور قلبی بیله اظطراب
آجدی اما ائیلمز رغبت طعامه شامیده
..
باجی قارداش بیردی قارداش عهدیمیز پیمانمیز
خوشدی منده جان وئرم سن تک قیامه شامیده
..
واله و حیران و مبهوتم نه دن بو غصه دن
ئولمورم یئتمیر داخی عمروم تمامه شامیده
..
مهد علیادور مقام عترتون اما دریغ
تک به تک محتاج اولوبلار بیر لثامه شامیده
..
زلفووه دگدوقجا یئل یکسر شمیم روح بخش
عطر زهرانی ائدور همدم مشامه شامیده
..
کاروانی که سحر «دلپاک» ائدیب شهره ورود
دوشدو سیرونده نَدَن وقت ظلامه شامیده
..
سرّی وار چون شهر شامی کو به کو گزدیردیلر
ائتدیلر منظر بو ظلمی خاص و عامه شامیده
..
#ورود_شام #دلپاک #ترکی #زبدةالاشعار
نظر دهید