چون منزل ایتدی زینب مضطر خرابه ده #خرابه_شام_واقف_سرابی

حالات خرابه شام
..
..
..
..
مرحوم واقف سرابی
..
..
..
..
چون منزل ایتدی زینب مضطر خرابه ده
باعث اودور غم آرتوخ اولور هر خرابه ده
..
دربان اولوب خرابه ده بیمار کربلا
توپراقی یغدی ایلدی بستر خرابه ده
..
زینب بویوردی ای قاپوسی باغلانان آنا
باخ دربدر عیالیوه بی در خرابه ده
..
شام ایچره شام قزلاری تخت اوسته شام ایدر
بی شام قالدی زینب مضطر خرابه ده
..
باجی سالوب خیالینه ایستکلی قارداشین
آغلاردی نوجوانینه مادر خرابه ده
..
هردم دیر سکینه على هاردا قالمیسان
قالسون باجون نقدری برادر خرابه ده
..
دیوار اولوب شکست یزیدین خیالی وار
نسل رسولی قطع ایده یکسر خرابه ده
..
دیوار گلسه عورت اوشاقلار هلاک اولور
باغلوب طنابه شمر ستمگر خرابه ده
..
زینب گوروب گول اوزلی رقیّه نوالیدی
فریاد ایدر چو بلبل بی پر خرابه ده
..
عرض ایلوری حسینه نظر قیل عیالیوه
آغلار صباح اولونجا مکرر خرابه ده
..
قارداش قیزون رقیّه قولی باغلی جان ویرور
هر ذلّته اولور بو برابر خرابه ده
..
سندن الیم اوزولدی منه یوخ تفاوتی
ایستر کنار یرده و ایستر خرابه ده
..
(واقف) یقین قلم دوتار اود دفتر اودلانور
عرض ایله سن نه ظلم اولونوب گر خرابه ده
..
..
#خرابه_شام #واقف_سرابی #ترکی #زبدةالاشعار