دفن شهدا – سوال و جواب
گفتگوی حضرت امام سجاد با حضرت اباعبدالله الحسین (ع)
.
✍️ زبدة الاشعار ✍️
?: @nohe_torki
.
مرحوم سید حسین کهنمویی (ریاضی)
.
✔️ زبانحال امام سجاد علیه السلام
.
کربلایه کوفه دن گلدی علیِّ ابن الحسین
نعشینی گوردی حسینون باشلیوبدور شور و شین
.
شاه بیت :
کوفه زندانینده عمَّم قالدی من گلدیم بابا
ایلیم بو نعش عریانه کفن گلدیم بابا
.
.
بو سوزی زنداندا الهام ایلدی خالق منه
بوینوین زنجیرینی آچ باخما ظلم دشمنه
دورما تئز گئت کربلایه وئرمیشم قدرت سنه
بیکفن اجسادی مدفون ایله سن گلدیم بابا
.
گلمیشم بو پاره پاره پیکرون دفن ایلیم
بزم خلوتده سنه بیر بیر ئورک دردین دییم
وار یری قبرون کنارینده ئولونجه گئتمیم
عرض ائدم ای آج سوسوز مظلوم ئولن گلدیم بابا
.
هامی بیلدی عمَّه میله باجی قارداشسوز نئجه
راضی اولمازدوز ملاقاتوز دوشه بیر آن گئجه
اوندای کی خولی باشون اوندان آیردی بیر گئجه
ائتدی شِکوا صبرینه گُل خاریدن گلدیم بابا
.
آیریلاندا خیمه دن عمَّه مدن آلدون پیرهن
ائتدون اول پیراهنی تیغیله پاره پاره سن
ائتمیه بیر کس طمع عور اولمیا باشسیز بدن
بس هانی اگنونده پاره پیرهن گلدیم بابا
.
من گلنده گوردولر اهل قبیله مرد و زن
ائتدیلر وحشت که آیا کیمدی بو آتلو گَلَن
سوزلرین گیزلتدیلر سرّ اولماسون فاش و علن
سن دوشن یردن کنار اولدی گورن گلدیم بابا
.
سویلدیم اهل قبیله من هم اسرارم سیزه
قوخمیون باک ائتمیون یار وفادارم سیزه
گلمیشم دفن ائتماقا اجسادی همکارم سیزه
تا ائشیتدی بو سوزی گَلدی گِئدن گلدیم بابا
.
سویله دیم بو یرده سیز حیرتده قالمیشدوز تمام
بو ئولنلردن رعیّت هانسیدور کیمدور امام
من تانوتدورّام بو باشسیز دور منیم بیکس آتام
گلدیلر فریاده یکسر مرد و زن گلدیم بابا
.
کوفیه وارد ائدنده اهل کوفه بیزلری
پیشوازه گَتدیلر نیزه باشیندا سیزلری
ائتدی عَمَّم خطبه سینده مفتضح دینسیزلری
یوزده اشک دیده گوردوم ناقه دن گلدیم بابا
.
آختاروردی نیزه ده کلثوم ابوالفضلین باشین
خیمه لردن آیریلاندان گورمه میشدی قارداشین
تاپمادی نوک جداده توکدی گوزدن گوز یاشین
گور نئجه ظلم ائتدی اشرار زَمَن گلدیم بابا
.
سویلدی کلثوم اولوب قان گوزده گوز یاشیم منیم
تازه دن تازه بلایه توش اولور باشیم منیم
بس هانی سرلشگرِ شَه نولدی قارداشیم منیم
تا ائشیتدیم بو سوزی فریاده من گلدیم بابا
.
دیده گریان اللرین قویموشدی حیران قوینونا
آختاروردی قارداشین اظهار ائده دردین اونا
گوردی بیر آتلو آسوبدور باشینی آت بوینونا
بو غمی گوردوم گوزومله کوفه دن گلدیم بابا
.
کوچ ائدنده قتلگهدن قویمادی شمر شریر
پیکرون دفن ایلیم من ایلمیشدی دستگیر
صادر اولدی کوفه ده امر خداوند قدیر
عارضه توکدوم سرشگی کوفه دن گلدیم بابا
.
#کهنموئی ! مُتَّقی ایلر گُنَهدَن اجتناب
سعی ائدر کسب ایلسون آز عمرده خیر و صَواب
ایلدی اوغلی یارالی پیکره بیله خطاب
کوفه زندانینده عمَّم قالدی من گلدیم بابا
.
✔️ جواب حضرت اباعبدالله الحسین علیه السلام
#اوندا_کی_دفن_ایتدی_اجسادی_علی_بن_الحسین
#کربلا_قربانلارین_دفن_ایلدون_سجاد_اوغول
.
#سبک_زینبم_جان_اوستیم … 4 سبک
.
#دفن_شهدا
#کربلایه_کوفه_دن_گلدی_علی_ابن_الحسین
#کوفه_زندانینده_عمم_قالدی_من_گلدیم_بابا
#ریاضی_تبریزی
#کهنمویی
#ترکی
.
✍️ #زبدةالاشعار ✍️
?: @nohe_torki
نظر دهید