کون و مکانی ناله و آه و فغان دوتوب #وداع_هدایت_تبریزی

وداع امام حسین (ع)
.
✍️ #زبدةالاشعار✍️
.
🆔: @nohe_torki
.
هدایت تبریزی
.
کون و مکانی ناله و آه و فغان دوتوب
احباب حقّی محنت و درد گران دوتوب
.
گوی ده هلال ماه محرّم عیان اولوب
یرده عزا حسینه امام زمان دوتوب
.
قربان او گوزلره که توکه بو عزاده یاش
بو تعزیه جهاددی کی شیعیان دوتوب
.
قلب حسین اولوب دی نشانه اوخا اگر
کانون ظلمو شیعهٔ صالح نشان دوتوب
.
مؤمن لرین اورک لرینی یاندیرار یاخار
مولا حسین شهادتی کی ، جسم و جان دوتوب
.
یاننام اولونجه شاه شهیدین او حالینه
اطرافین اهل بیتی سرشکی روان دوتوب
.
بعضی دئیردی قوی دولانیم بیرده باشوه
ایوای منه سنی نه بلا ناگهان دوتوب
.
بعضی دئیردی گل بیزی قیتر مدینیه
کرب وبلا و کوفه نی شمر و سنان دوتوب
.
بعضی دئیردی وای منه سندن صورا بابا
دشت بلانی سیلی و قمچی وران دوتوب
.
بعضی دئیردی سوز عطشدن یانور دلیم
گتمه ولی ، سویون یولونی شامیان دوتوب
.
بعضی دئیردی دلده توان یوخ دانشماقا
گویا بهار عمرومی باد خزان دوتوب
.
بعضی چکردی دامنینی مینمه سین آتا
استار کعبه نی ائله بیل حاجیان دوتوب
.
گه عترته باخاردی او شه ، گاهی لشگره
گویا یانقلی قلبنی آتش فشان دوتوب
.
نه مهربانلقی قویور عترتدن آیریلا
اوز عترتین گرامی شه مهربان دوتوب
.
نه ال چکردی کوفه و شامون ارازلی
بیر باشدان اوتری مین نفر الده سنان دوتوب
.
شیرین دانشدیرب ائدیب آرام عیالنی
چوخ ارجمند ، گل لرینی باغبان دوتوب
.
عباسی علقم اوسته بویانمشدی قانینه
شاهه رکابی زینب بی خانمان دوتوب
.
اولدی سوار مرکب او سرخیل عاشقان
بیر الده تیغ تیزی بیر الده عنان دوتوب
.
بیر قالمتین آت اوسته دوزلتدی او شهریار
زین اوسته مرتضادی که انّه مکان دوتوب
.
گویا اورک ده قارداش ، اوغول داغی یوخدو هئچ
عطشان دگول دوداقلاری ، قلبی توان دوتوب
.
هی وردو مرکبه یئتیره مقتله اوزون
بزم نگاره الده جانین ارمغان دوتوب
.
شه گئتدی ، زینبنده اورک گئتدی شاهله
رعشه دوشوب وجودینه دل توأمان دوتوب
.
سسلندی گئتمه ، ساخلا ایاق یابن فاطمه
زینب همیشه لق سنی کهف امان دوتوب
.
قلبیم دوگوندو ، جانیمه اود دوشدو قارداشم
روحیم قوشی یانندا سنین آشیان دوتوب
.
فرمایش ائت گوروم گلیسن بیرده خیمیه
روحون و یا کی شاه ره آسمان دوتوب
.
ائتدی اشاره خیمیه بیرده قیتمرم
میدانی گورموسن نجه درّندگان دوتوب
.
بو سن بو عترتیم ، بو بلا دشتی زینبیم
مندن ال اوز گیلن منی حق میهمان دوتوب
.
اوغلوم دا ، قارداشم دا منه منتظردی لر
تک تک کمک لریم هامی راه جنان دوتوب
.
عرض ایتدی قارداشم ، اورگیم بندی ، سروریم
قوی سینمه الون ، نجه گور قلبی قان دوتوب
.
قوی خنجر اوپمه میش بوغازندام اوپوم اخا
بیر نکته دور بو نکته که زهرا آنان دوتوب
.
بسدور (هدایتا ) سوزو قورتار آلشدی جان
بیر نکته واردی بوردا کی هر نکته دان دوتوب
.
سوز عطش او سروری سالمشدی بیر حالا
گویا گوزونده طاق سپهری دومان دوتوب
.
.
#حسینیه_وداع
#کون_و_مکانی_ناله_و_آه_و_فغان_دوتوب
#ترکی
.
✍️ #زبدةالاشعار✍️
.
🆔: @nohe_torki