مدح امام حسین (ع) و گریز به قتلگاه
..
..
..
..
کربلایی احمد پوریا
..
..
..
..
کیمدی حسین ساقی اطهر سرشت
کیمدی حسین باشدان ایاقه بهشت
..
کیمدی حسین معنی جود و سخا
معرفت و رحمتی بی انتها
..
کیمدی حسین کان حیا و ادب
کیمدی حسین خلقت خلقه سبب
..
کیمدی حسین سالک مهر و وفا
شافع و هم مالک یوم جزا
کیمدی حسین اگمدی باش ذلّته
جان اولا قربان بیله شخصیته
..
کیمدی حسین شیعه لره نور عین
شمس هُدا ، تاج سر عالمین
..
کیمدی حسین معرفتین استادی
بزم عزانون دوزودی هم دادی
..
کیمدی حسین مسکنی عرش خدا
جنت الاعلایه ویروبدور صفا
..
جاهِ سلیمان ندی ، جاهی اوجا
حاتم اولوبدور بیله شخصه گدا
..
کیمدی حسین مست ایلیوب عالمی
عرش معلّاده اسور پرچمی
کیمدی حسین معنی صوم و صلاه
قاننی حق یولدا ویروبدور زکات
..
کیمدی حسین عالمی حیران ایدن
دار و ندارین حَقَه قربان ایدن
..
کیمدی حسین عالم اونون محتاجی
هیچ کیم حسینسیز اولا بیلمز حاجی
..
کیمدی حسین عشقی قلوبه دولوب
غملی آدی سینمیزه حک اولوب
..
کیمدی حسین غیرتینه مرحبا
حیدری شخصیتنه مرحبا
کیمدی حسین قمچیلره ناز ایدن
حقّه گوره اوخلاری پیشواز ایدن
..
کیمدی ایدوب حق یولونی انتخاب
کرب و بلاده ایلیدی انقلاب
..
کیمدی حسین بیزدن او شاهه سلام
عشق فقط عشق حسین والسلام
..
کیمدی حسین رهبر احبابیدی
شیعه لرون دیللرینون تابیدی
..
کیمدی حسین زینبینون همدمی
شهرتی دوتموش هر ایکی عالمی
..
کیمدی حسین غیرته عزت ویروب
شیعه لره آدی شرافت ویروب
..
کیمدی حسین ایلدی قانلی قیام
شهدی حسین بیزدن او شاهه سلام
..
خلقه حسین درس شهادت ویروب
دینیمیزه قانی طراوت ویروب
..
کیمدی حسین رهبر عالی تبار
پاک آدی دیللرده اولوبدور شعار
..
کیمدی حسین حق دین و بت شکن
حیدر تک سوز بیلن و سر سخن
..
کیمدی حسین عشقی اولوب پایدار
کیمدی حسین باشدان ایاقه وقار
..
بیله شهه ظلم ایلدی قوم شر
یاز قلمیم ایلسون آقا نظر
..
چک سوزیوی کرب و بلا دشتینه
قیز لار ایدن آه و نوا دشتینه
..
صاحب بیر بیله جلالت حسین
پیکری تاپموشدی جراحت حسین
..
تک دایانوب کفره مقابل باخور
یاره لریندن یره قانی آخور
..
قانلی عبایه بیچیلوب اکبری
قطعه به قطعه اولونوب پیکری
..
اللرینون اوسته اولوب اصغری
قوش کیمی جان ویردی اونیلوفری
..
گه یادینا دوشدی علم پروری
سسلدی قارداشینی سرلشگری
..
قوم عدو دوره سینی آلدیلار
آتدان او مولانی یره سالدیلار
..
لشگر اعدا دایانوب یان یانا
سسلدیلر حرمله نی میدانا
..
گلدی نه گلماخ غضب و خشمیلن
الده اوخی توک یاشیوی سوز بیلن
..
اوخ نجه اوخ زهریله مسموم اولوب
شاهیمزه باخ نجه مظلوم اولوب
..
ویر قولاقون آغلا بیله بیر سوزه
مثلینی ووردی او دنی بیر گوزه
اولی اوخ یخدی گوزل افسری
اول بیریسی پارچالیوب اصغری
..
قویدی کمانه او قالان بیر اوخون
نچه قدم گلدی حسینه یاخون
..
سینه ی مولانی دوتوبدور هدف
قلبیده وار نخوتی اول بی شرف
..
ووردی اوخون سینه ی ثاراللهه
چالدیلار ال حرمله ی ابلهه
دگجگین اوخ قلب پر از گلشنه
آه چکوب سسلدی یاندیم ننه
..
گل آنا یا فاطمه باخ عدوانا
درک ایلدیم اوندا نه چکدون آنا
..
سینوی گر یارلیوب میخ در
سوکدی منیم سینمی تیر سه پر
..
گور بیله اوخ اصغریمه نیلدی
محسنه تای ، دلبریمه نیلدی
..
تشنه لیگیم دای بو اورکدن چیخوب
اوچ پر اوخا باخ بو کورکدن چخوب
دادیمه گل یوخ کمیگیمه گلن
قبلیه یوخدور یوزومی دوندرن
..
شیعه دن اوتری ویرورم جان ننه
شیعیه خاطر ویرورم قان ننه
..
کیم گله دوز بو یولا پاینده دی
کیم اگه باش ظالمه شرمنده دی
..
شوق شهادت واریدی (پوریا)
ایله قبول حاجتینی بی ریا
نظر دهید