گورمدیم گر جدیم احمد دیشلرینین سینماقین #باقریه_نوروزی_نوین

زبانحال امام باقر علیه‌السلام
..
..
..
..
علی نوروزی نوین
..
..
..
..
گورمدیم گر جدیم احمد دیشلرینین سینماقین
داشیله اما سینان بیر رأس انور گورموشم
..
گورمدیم من مرتضانین باشینین گر یاره سین
اکبرین باشیندا اما ضرب خنجر گورموشم
..
گورممیشدیم که آنام زهرا قولی مجروح اولوب
من سینان ساقی الینده قانلی ساغر گورموشم
..
گورمدیم قان لب لعلیندن آخاندا حسنی
کربلاده قاسمی صد پاره پیکر گورموشم
..
محسن شش ماهه که سقط اولموشدی گورمدیم
اوخلانان ظلمیله من شش ماهه اصغر گورموشم
..
گورمدیم من کوفییه عزتله عمَّم گلماقین
کوچ ائدن گون کربلادن دیده سین تر گورموشم
..
زینبه اول گون جلوداریدی عبّاس علی
کربلاده دورسین دوتموشدی لشگر گورموشم
..
آه او گوندن باغلانوبدی زینب عمَّم قولاری
جور و ظلم ایلور اونا شمر بد اختر گورموشم
..
قیزلاری ایستردی ویرسین عمَّه می مانع گوروب
قوللارین یاس کبوده اوندا بنذر گورموشم
..
چوخ ویروبدی تازیانیلن او ظالم عمَّه می
شمر الینده عمَّه می بی یار و یاور گورموشم
..
..