به مناسبت شهادت رهبر جهان اسلام امام شهید حضرت آیت الله خامنه ای
#گریز به شهادت امام حسین علیه السلام
..
..
..
..
غفاری زنجانی
..
..
..
..
گینه فراق اودونا قلب داغدار یانور
اولوب شرار غمه قلب ایوی دچار یانور
..
که مرغ دل هوس سیر بوستان ایتمور
گورور خزان اودونا برگ و شاخسار یانور
..
غبار غم النوب گل دوشوب طراوتدن
گلوبدی فصل خزان حیف نو بهار یانور
..
بیله خیال ایدورم باغبان ئولن گوندی
اودور چمنده ایدور ناله هر هزار یانور
..
چاتوبدی مقصدینه خوش سعادت انسانلار
اولوب بیرعده ولی محنته دچار یانور
..
سلام بیزدن اولا رهبر شهیدیمیزه
گورردوق آتش خدمتده عود وار یانور
..
هزار حیف اونی تز آلوب فلک بیزدن
اودور که عود کیمی ملت اشکبار یانور
..
گلون بیله دیاقون دویمادوخ آقا سندن
ایدوبدی درد و غمون دللری فکار یانور
..
..
..
..
سلام بیزدن آپار محضر شهیدانه
اولار که باتدولا حق اوسته قانه مردانه
..
..
..
..
شهید صحبتین ایتدوم دوشوب حسین یاده
روادی نی کیمی گلسم بو غمده فریاده
..
بجادی باشه ویرام سسلنم حسینیم وای
سالاندا سخت زمانون اوحضرتین یاده
..
او ساعتی که باتوب قانه یار و انصاری
دایاندی عرصه ی هیجاده تک او آزاده
..
بوکوبدی قدینی عباس نامدار غمی
اورکده داغ علی اکبری او اثناده
..
گمانی بیر کسه گلمور هرایه سسلنسون
گورردی غرق اولوب انصاری قانلو دریاده
..
عزیز فاطمه نی گورنه حاله سالدی فلک
گتوردی ایلدی محصور قوم بیداده
..
قالان بیر عورت اوشاقدور اولاردا عطشاندی
صدای العطش عرشه چخور او صحراده
..
ایدوبدی نیزه سینه تکیه اول امام همام
خیالی خیمده جسمی فضای هیجاده
..
او غملی لحظه ده دگدی جبیننه بیر داش
خسوف علامتی گور سندی ماه سیماده
..
اولوبدی قانیله الوان جمال نورانی
ایدوبدی قان فوران روی عالم آراده
..
آپاردی ئوز اتگین قانینی سیله گوزدن
ظهوره گلدی قیامت بو سطح غبراده
..
اورگنون باشی تا اولدی گون کیمی ظاهر
الین قویوب گوزونه فاطمه گلوب داده
..
کمانیدن قوتاروب حرمله اوخی بیردن
ملکللر آغلادی بو غمدن عرش اعلاده
..
یتیشدی روزنه آچدی اوگنج اسراره
توکولدی درّ یره لیک رنگ حمراده
..
نقدر عمر ایده «غفاری» آغلیار بو غمه
که قتل صبره حسین چاتدی دست اعداده
..
..
..
نظر دهید