یتیش هراییمه ای مهربان ابوالفضلیم #حضرت_ام_البنین_محمد_هوشمند

زبانحال حضرت امّ البنین (س)
..
..
..
کربلایی محمد هوشمند(مدهوش)
..
..
..
یتیش هراییمه ای مهربان ابوالفضلیم
اجل گلیب ئولورم هارداسان ابوالفضلیم
..
..
..
..
آنان فدا اولا ای مهربان اوزون قولووا
باخیرام حسرتیله من سنین گلن یولووا
اگر چه صدمه یئتیب کربلاده صاق صولوا
گوزتلییرم یولوی باغریقان ابوالفضلیم
..
..
..
..
اگر چه گویلومی درد و غمین شکار ائلیور
غمینده بیکس آنان دایم آه و زار ائلیور
ولیک سن کیمی جانانه افتخار ائلیور
فدا اولا سنه مین بیله جان ابوالفضلیم
..
..
..
..
گورنده سو چکرم بو یانیقلی دیلدن آه
سارالدی سوز عطشدن او چولده آل الله
قولووی سالدی سو استونده لشگر گمراه
نه حاله قالدین اوساعت امان ابوالفضلیم
..
..
..
..
بهار عمریمی هجران گلیب خزان ائله دی
صفالی گلشنیمی آیریلیق تالان ائله دی
آنان بیر عمر غمین سینه ده نهان ائله دی
اورک یانیر آلیشیر هر زمان ابالفضلیم
..
..
..
..
منه یئتیردیله کرب و بلا حکایتینی
ائشیتمیشم باشیوین موبه مو مصیبتنی
آنان باخیب یولا توکدوقجا اشک حسرتینی
دیلینده ازبر ائدیب وای جوان ابوالفضلیم
..
..
..
..
اوغول سو اوسته کی پیکاریوه آنان قربان
وفا و همّت و ایثاریوه آنان قربان
گوزل رویه و افکاریوه آنان قربان
صودوم حلالین اولا قهرمان ابالفضلیم
..
..
..
..
اجل یئتیشدی اوغول حالیمی اوزوم بیلیرم
خوشام که رنج و بلادن بیرآزجا دینجلیرم
سنون زیارتیوه ای عزیز جان گلیرم
قفس اولوب منه سنسیز جهان ابالفضلیم
..
..
..
..
طریق عشقیده طی ره صواب ائله دون
فدا سنه که حسین سیز سوا جواب ائله دون
سویی خجالت ائدیب عالمی کباب ائله دون
سوسوز دوداقیوه قربان آنان ابالفضلیم
..
..
..
..
#حضرت_ام_البنین #محمد_هوشمند #ترکی #زبدةالاشعار