یثربی ترک ایله گل داده اوغول #کاظمیه_غمخوار

عرضحال حضرت موسی ابن جعفر (ع)
به حضرت امام رضا علیه السلام
.
.
#سبک_گل_عم_اوغلی_باشیمی_آل_دیزیوه
.
.
حاج اسماعیل فرشی ازهر(غمخوار تبریزی)
.
یثربی ترک ایله گل داده اوغول
سال یولون محبس بغداده اوغول
وار سنه دلده سوزوم
قالدی یولاردا گوزوم
.
.
منی حبس ایلدی هارون دنی
قدغن ایتدی گلوب هرگیدنی
اولمادی بیر کس عیادت ایدنیم
‌سلمادی کیمسه منی یاده اوغول
.
.
یاندیروب عالمی آهیم یاخوری
عارضه گورنجه اشگیم آخوری
حالیمی یوخدی بو محبسده بولن
منی درک ایله بو اثناده اوغول
.
.
بنزیرم بیرپوزولان گلشنه من
وار سوزوم منتظرم چوخ سنه من
گل بالا گل یوزیوی بیرده گوروم
سالمیوم غم اوتی ایجاده اوغول
.
.
ظلمیله قید جفا بسته سییم
غم و اندوه و بلا خسته سیم
باشیمی یوخدی کناره آلانیم
گل اوزون ناله و فریاده اوغول
.
.
گوز یاشیم عارضیمه سان ویرری
فصل هجرانیمی اعلان ویروری
آیرلیق ایله چتین مرحله دی
کنج محبسده بوناشاده اوغول
.
.
گل رضا درد و محندن دانشاق
پوزولان غملی چمندن دانشاق
فاش ایدوم دلده اولان سوزلریمی
یانمشام گورنه جفایاده اوغول
.
.
دلیمی غم لریله داغلا دیلار
گلنین یولارینی باغلادیلار
بیر نفر بولمدی دلده سوزیمی
غصه لی دار بو دنیاده اوغول
.
.
گل باجون روح رواندان ده منه
او گوزی یولدا قالاندان ده منه
نجه ییلردی گوزی یولدا قالوب
منی گورلور او دل افتاده اوغول
.
.
سوورم اول دل مغمومه گله
سنله باهم اولا معصومه گله
باشیم اوستونده ایده شورونوا
بو غریب وار او تمناده اوغول
.
.
واردی غمخواریمزین بیزده گوزی
بولورم دلده اونون وار نه سوزی
قویماروخ خوار اولا اول نوکریمز
نه بو دنیا نه او دنیاده اوغول