زبدةالاشعار

کنجِ خرابه ده بابا قالماقا عادت ایلرم #حضرت_رقیه #بلوری

زبانحال حضرت رقیه (س)
.
✍️ # ✍️
.
🆔: @nohe_torki
.
مرحوم محمد علی
.
کنجِ خرابه ده بابا قالماقا عادت ایلرم
قالسا باشون خرابه ده گونده زیارت ایلرم
.
ظلمتِ شبده بزمیمه قانلی باشون ویروب ضیاء
ویرسه اجل امان منه ، یاریله خلوت ایلرم

ایمدی که یول تاپوب گوگل دامنِ فیضِ وصلوه
شُکرِ وصالون ایتماقی وَجهینه همّت ایلرم
.
رسمیدی قیز اورک سوزون فاش ایلیر آتاسینا
منده بو رسمیله سنه کشفِ حقیقت ایلرم
.
یوخ بو خرابه یرده بیر همنفس و انیسِ غم
یادِ جمالویله من قلبیده صحبت ایلرم
.
گر چه غمیم آشور داشور ، نِی تک اورک سیزیلداشور
یوخدی توان بیانینه رمزا” اشارت ایلرم

آیری دوشن زمانیدن سنله منِ شکسته دل
صبح و مسا بو ساعتی قلبیده حسرت ایلرم
.
سن اولاسان بی بیم اولا ، سوز آچیلا فراقدن
باشیمه هجردن گَلن دردی حکایت ایلرم
.
شامیده درده دوشموشم ، جسمیم اولوبدی ناتوان
درده دوشن وجودیمی سنله طبابت ایلرم
.
سینه ده کی شرارِ غم منزیلیمون چراغیدور
یوخدی کَسیم غریبه ام اشکیله الفت ایلرم
.
رنگِ بنفشی گورمیه تا که یوزومده چشم مَه
پردهء اشک آلیمی حایلِ صورت ایلرم
.
ضعف و فتوره ویرمرم راهِ وفاده یول دله
هر غمه راهِ عشقده شوقیله طاقت ایلرم
.
سینه وُن اوسته چوخ گجه صبحه کیمی یاتان قیزام
شامیده خِشت پاریه ایمدی قناعت ایلرم
.
شه قیزونا روادی گور خاک خرابه فرش اولا؟
بختیمی من بو باره دن چوخلی ملامت ایلرم
.
صبح آچیلار یاتانمارام جانیمی توپراق اینجیدر
فرشِ تراب تیره نی بسترِ راحت ایلرم
.
فکر ایدرم نولور که گون چخمیه صبح آچیلمیه
کیم بولوری ننوعیله تابِ شماتت ایلرم
.
داد و امان بو شهرده طعنه اَلیندن ای بابا
صبریله خسته گوگلیمه فکرِ صیانت ایلرم
.
کیم بولوری کیمم ، منیم کیمدی آتام ، بابام ، آنام
کیم بولوری بو سِنّیله دینمه خدمت ایلرم
.
کیم بولوری گچر زمان ، قصرِ یزید اولار خراب
من ولی بو خرابه نی عالی عمارت ایلرم
.
سنده ( بُلوری ) یاز منبم محنتِ ناتمامیمی
اولما غمین جزا گونی منده شفاعت ایلرم
.
#
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی