حضرت علی اصغر علیه السلام
زبانحال حضرت رباب سلام الله علیها
.
✍️ #زبدةالاشعار ✍️
.
🆔: @nohe_torki
.
.
مرحوم حاج محمد شیخ زادگان ( مُبکی تبریزی )
.
آغلادان ای کوفیانی
جان ویرن عطشان بالام وای
سود امرشش ماهه سرباز
قانینه غلطان بالام وای
.
( لایلای ای آرام جانیم
لایلای ای روح و روانیم )
.
.
.
اولمادی سود دوشلریمده
آج قالوب افغانه گلدون
حالیوه باخدوقجا یاندیم
آعلاماقدان جانه گلدون
شه الی اوسته بویاندون
رزمگهده قانه گلدون
اوخشارام مندن دیر بو
سرور خوبان بالام وای
.
.
.
سو امیدیله باباوا
من سنی ویردیم خیمده
قویمادی پژمرده حالون
طاقت اول کان کرمده
اوپدی سولموش لبلروندن
غرق اولوب من تک بوغمده
ایلیین یحیای عشقین
باغرینی القان بالام وای
.
.
.
چوخ تلاش ایتدیم ویرم سود
گوزلریم نورو ضیاسی
ایلییم سیراب سینم
گورمیه دیرناخ یاراسی
غنچه تک سولدون عطشدن
دردیون اولموب دواسی
هجراودی بوغملی گویلی
ایلیین سوزان بالام وای
.
.
.
ابرتک جاری سرشکی
ایلوری بو گوزلر ایوای
خرداجا قزلاردیوللر
قانه غلطان اصغر ایوای
عرش اعلایه اوجالموش
اصغرایوای اکبر ایوای
آرتران خیمه سراده
ناله و افغان بالام وای
.
.
.
کاش ئولیدیم گورمییدیم
بوش قالوبدی گاهوارن
آلتی آی اولدون انیسیم
دویماپدیم عالمده سندن
تئزمنی قویدون اوغولسوز
ایلرم فریاد وشیون
غصه لی یورقون یارالی
جان ویرن عطشان بالام وای
.
.
.
چاره سیزلیقدان سنی من
ایلموشدوم دست بسته
یوخ یوزوم ایندی آلام بو
قانلی نعشی سینم اوسته
قوی دیوم لایلای علی یات
اوخ ایدوبدی زارو خسته
یوز گوزی قانلی اولان ای
غنچه تک خندان بالام وای
.
.
.
چشمه ی چشمی عذاره
سن که ئولدون باغلادیم من
ایچمرم آب گوارا
تشنه سینه داغلارام من
سود اله دوشسه گتوررم
قیرون اوسته آغلارام من
سسلرم سیراب ایدیم دور
تشنه لب قربان بالام وای
.
.
.
گون نجه ایتسون تجلا
قانه باتدون ماهپاره
ویردی اعدا قلب شهده
داغ اکبر اوسته یاره
ظلمت اولدی گون دوتولدی
باتدی آی یتمیش ستاره
گوسترن آل عبایه
محنت هجرن بالام وای
.
.
.
شعله ی آهیم توکور اود
شاه عطشان قالدی یالقوز
غم یاغور گویدن آتاوی
اشقیا قویدی اوغولسوز
آفتاب دین یانوندا
نه قمر واردی نه اولدوز
(مبکی) تک حالی پریشان
دیده گریان وای بالام وای
.
.
.
#اصغریه_شهادت
#حضرت_رباب
#آغلادان_ای_کوفیانی
#مبکی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید