زبانحال مادر حضرت علی اصغر (ع) خطاب به امام حسین (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم تائب تبریزی
.
گهوارده اصغر شه عطشان سسین آلدی
شوریله ئوزون ئوز بشیگیندن یره سالدى
.
رمزاً دیدی یالقیزدی حبیب حق ذوالمن
یوخ یاور و یاری گرک امداده گیدم من
.
ال اوسته آلوب اصغر عطشانی آناسی
شه محضرینه گلدی سِنق دلده نواسی
.
عرض ائتدی سنه چوخلار ایدوب اوغلونی قربان
مندنده بو قربانی قبول ائت سنه قربان
.
شاه بیت:
.
بیر جوهر جان محضر جانانه گتوردوم
قربان ایلیم سن کیمی قربانه گتوردوم
.
.
گهواره ده آلجاق سسون ای شمس فضایل
پوزدی پوزولان حالینی بو ماه شمایل
بیر اولدوزا تشبیهدی آخماقینه مایل
من جانب خورشید درخشانه گتوردوم
.
.
شوریده اولوب صحنۀ شوریده یاراتدی
لبّیک سسین رمز بیانیله اوجاتدی
دیوانۀ عشق اولدی بشیکدن ئوزون اتدی
شوریده سر عشقیوی دیوانه گتوردوم
.
.
دولدی گوزوموز اشگه بویاندوخ ایکیمیزده
بیر صحنه ده دلدن یارالاندوق ایکیمیزده
باخدی او منه ، من اونا ، یاندوق ایکیمیزده
یاندیم بالامی الده یانا یانه گتوردوم
.
.
ای عزّتیم ای پادشه بندہ نوازیم
آیلارلا بالام ناز ایلدی اولدی نیازیم
دل صبریمیدی عمرومیدی غنچۀ نازیم
ئوزدوم الیمی عمرومی نالانه گتوردوم
.
.
پیدادی نهادینده بونون عشق خفا وار
معلومیدی آئینۀ حُسنونده صفا وار
قلبینده محبت مرضی درد وفا وار
درمانگه عُشّاقده درمانه گتوردوم
.
.
واردان الین اوزموش یوخون آردینجا گزردی
آز سینّیله شأنی چوخون آردینجا گزردی
اوخ بوندان اؤتور ، بو اوخون آردینجا گزردی
پیکان بونا یتماقه بو پیکانه گتوردوم
.
.
بو غنچه گلوم اوچ گجه گوندوز قالوب عطشان
قلبینده قویوب سوز عطش آتش سوزان
آثار عطش واردی دوداقینده نمایان
عطشانی حضور شه عطشانه گتوردوم
.
.
ای تاج سر اهل وفا خسرو خوبان
دریای کرم ای سو کنارینده لب عطشان
لعل لب عطشانی اولان چشمۀ حیوان
بیر تشنه ده من چشمۀ حیوانه گتوردوم
.
.
چوخ جان بکفی واردی بو میدان وفانین
چوخ سَرولری واردی بو بستان وفانین
چوخ گللرى واردور بو گلستان وفانین
من غنچۀ عطشان بو گلستانه گتوردوم
.
.
عاشق جانی قربان اولی جانانه عیاندور
هر درد و بلا گلسه آلار جانه عیاندور
پروانه بالاسی اولی پروانه عیاندور
یانموش بالامی شمعوه پروانه گتوردوم
.
.
عجزیله پناهندۀ سلطان شریفم
عفّت یارادان ریزہ خور نفس عفیفم
سن عشق سلیمانی من اوُل مور ضعیفم
بیر ران ملخ پیش سلیمانه گتوردوم
.
.
ایستر اورگیم اوچماقا بال و پریم اولسون
بو اصغر آدیله شرفِ اکبریم اولسون
بیر فردیده قربان لاروین اصغریم اولسون
بو قانلو مناده گتورم سانه گتوردوم
.
.
چوخ سرو دوشوبلور یارالی جوی وفاده
چوخلار یخیلوبدور یره چوخ سوی وفاده
چوخلار سنه قربان اولونوب کوی وفاده
منده قوزی قربان بو بیابانه گتوردوم
.
.
حسرت زده درویشووم ای شاه فروتن
مزجات بضاعتله حضوروندا وارام من
فدیه مدی کیچیک لیک آقازاده اقاسان سن
بیر فدیه بیوک مرده حقیرانه گتوردوم
.
.
ای شأنی سالان حیرته دنیانی عزیزیم
آزاده لرین سرور و سلطانی عزیزیم
مندنده قبول ایله بو قربانی عزیزیم
امّیدیله قربانگه جانانه گتوردوم
.
.
گوردوم هر آنا بند بلا ایلر ئوز اوغلون
عنوان شباهات صفا ایلر ئوز اوغلون
مین شوقیله قربان وفا ایلر ئوز اوغلون
قربان ایلیم اوغلومی قرآنه گتوردوم
.
.
هرگز یولون آزماز دوتار الله یولی عاقل
ئوز خطّین ایتیرمز تانیار صاق صولی عاقل
پیمانۀ عشقیندن اولان مست اولی عاقل
منده بالامی آلماقا پیمانه گتوردوم
.
.
مینلرله خَزَف گَتدی یِریش بیر صدف اوسته
اهل شرفی باشوه یغدون هدف اوسته
مردان شرف قانه بویاندی شرف اوسته
بو سود امری قاتماقا مردانه گتوردوم
.
.
عهد آلموشیدی سندن ازل گون حق یکتا
اول نامۀ عهدون اوخیوب بو گل زیبا
قانیله ایاقینده قویا قانیله امضا
تا عهد عهیدون یته پایانه گتوردوم
.
.
حاشا کیچیک امضا ایدن الده اولا لرزش
حاشا کچیک امضا وئره ئوز ارجینه کاهش
رسماً کچیک امضاده اولار چوځ بیوک ارزش
صورت وئره معناده او عنوانه گتوردوم
.
.
جانانویله باغلاموسان عهدیله پیمان
اول نامه ده یتمیش ایکی قربان اولوب عنوان
وار نامۀ عهدونده سنون بیر قوزی قربان
ایفا ایده اول عهدیله پیمانه گتوردوم
.
.
بو غنچه گلوم گلدی گلستان بتوله
سینمده سودوم یوخدی قسم جان بتوله
مندن دویوب ایستر گیده دامان بتوله
چکسون آناسی فاطمه دامانه گتوردوم
.
.
#اصغریه_تائب_تبریزی
#اصغریه_شهادت
#گهوارده_اصغر_شه_عطشان_سسین_آلدی
#بیر_جوهر_جان_محضر_جانانه_گتوردوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید