در آرزوی ظهور مولا حضرت ولی عصر عجل الله فرجه الشریف
.
✍️ #زبدةالاشعار ✍️
.
🆔: @nohe_torki
.
مرحوم حاج عطوف کتابچی (محبی مراغه ای)
.
الهی ظلم ایوی ویران اولیدی
جهانین رهبری قرآن اولیدی
.
.
نسیم رحمت رضوان اسیدی
هوای ظلم دنیانی کسیدی
جفادن اهل دنیا دینجلیدی
عدالت خانه سی بنیان اولیدی
.
.
امامت جلوه سی ظاهر اولیدی
بوعالم عدل و دادیله دولیدی
ضعیفان درد و غمدن قورتولیدی
هامو مظلوملر شادان اولیدی
.
.
ایدیدی تزکیه اهل زمینی
یخیدی دودمان ظالمینی
دیریلدیدی دوباره حکم دینی
بو عالم صحنۀ رضوان اولیدی
.
.
ظهور ایتسه اگر ماه ولایت
ولیّ داور و نور امامت
بپا ایلر ترازوی عدالت
بو دوران کاش ایله دوران اولیدی
.
.
چکه گر ذوالفقار شاه دینی
ایدر احیا مرام مسلمینی
کنار ایلر خطردن مسلمینی
او شاهه اهل دین قربان اولیدی
.
.
آلاردی حضرت زهرا قصاصین
ساغالداردی اورکده دل یاراسین
ایدردی شاد جنّتده آناسین
ظهوره گر اونا فرمان اولیدی
.
.
عموسی محسنین قانین آلاردی
منافقلر دلینه اود سالاردی
آناسی فاطمه خوشحال اولاردی
نولیدی دللره درمان اولیدی
.
.
سقیفه اهلنی تیغه چکردی
منافق دللره آتش توکردی
بنای ظلمی دنیاده سوکردی
عدالت میرینه میدان اولیدی
.
.
آلاردی کربلانین انتقامین
ایدردی تار دشمن روزگارین
تمام دشمنان آل یاسین
دچار حربۀ برّان اولیدی
.
.
«محبی» ایت دعا امر ظهوره
ویریلسین خاتمه فسق و فجوره
یتیشسین اهل حق آب طهوره
بو دنیاده او شه سلطان اولیدی
.
.
#مهدیه_محبی_مراغه_ای
#الهی_ظلم_ایوی_ویران_اولیدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید