زبدةالاشعار

یتوب منیم عمروم ای خدا باشه محنت بی شماریله #کاظمیه_تائب_تبریزی

شهادت حضرت موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
یتوب منیم عمروم ای خدا باشه محنت بی شماریله
بو صون نفسده رضا یولون گوزلوری گوزوم انتظاریله
باخوب یولا یانام آغلارام همدم اولموشام آه و زاریله
.
.
آلوبدی بو درد غربتیم اودلی سینه دن اختیاریمی
نه بیر نفر دردیمه یتن واردی نه بولن حال زاریمی
نه واردی بیر اهل دل دییم شرح محنت روزگاریمی
بو هجر ایوینده گیجه گونوز همدم اولموشام آه و زاریله
.
.
بو غربت ایچره بیر عمردور درد و محنتیله وار الفتیم
یریم بو محبسدی دائماً قید ظلمیله وار رفاقتیم
قبیله دن ائدن ای خدا آیری دوشموشم چوخدی حسرتیم
گوزومده یکسان اولوب منیم بیر ایشیق گونوز لیل تاریله
.
.
غم اوز ویرن وقت هر کسه دردینه شریک غم آختارار
غریب دار و دیار اولان اهل دل آرار همدم آختارار
منیمده درد دل ایتماقا متصل گوزوم محرم آختارار
دیم نه رفتار ایدوبدیلر بو غریب دار و دیاریله
.
.
گلوبدی درده بو خاطریم دلده واردی چوخ غصه و غمیم
بو حبس تاریکده اولوب بو سزیلتی مدّتدی همدمیم
دیمه لی دردیم اورکده چوخ لیک یوخ کناریمده محرمیم
دل اهلی تک درد دل ایده بو بلاکش روزگاریله
.
.
بو کنج زندان تار اولوب بیر نچه زماندور مکان منه
جفا الیله ایچردوری خون دل بو دور زمان منه
بویوندا زنجیر ظلم اولوب همنفس منه همزبان منه
انیس دور آه آتشین روز و شب دل داغداریله
.
.
نجه که غربت غمی منیم داغلى قلبدن صبریمی آلوب
اولوبدی ذکریم وطن وطن نار هجر جانه شرر سالوب
وطنده ده نازلی قزلاریم گوز تیکوب یولا منتظر قالوب
یولومی گوزلَـلَّه واقفم دائماً دل بیقراریله
.
.
اید وبدی قان داغ حسرتیم لاله تک دل داغداریمی
او قدر قالمور خزان ایده صر صر حوادث بهاریمی
نولور گل اوزلی بالالاریم تک به تک آلیدی کناریمی
اولیدی جان اوسته همزبان باری بو وطندن کناریله
.
.
یانیمدا معصومه کاش اولا حالیمه باخوب سینه داغلیه
گوروب منیم احتضاریمی گل یوزه توکوب اشگین آغلیه
ویرنده جان غربت ئولکه ده گوزلریمی رأفتله باغلیه
ویره بو آوارۀ وطن جان كمال عزّ وقاریله
.
.
مزیّت درد فرقتیم اودلی سینه ده قویمیوب دؤزوم
بو حال یأسیم بو غربتیم بو مصیبتیم پیرمرد اؤزوم
بو واپسین دمده منتظر نوجوان اوغول گوزلوری گؤزوم
ایدم بیر اظهار درد دل صون نفسده اول گلعذاریله
.
.
یاخونلاشوب گرچه رحلتیم آز قالور مرامیم گله اله
بو محنت روزگاردن قورتولام دل خسته دینجله
چوخ آرزو ایلرم ولی باشیم اوسته اوغلوم رضا گله
اورک غمین زایل ایلیم تا او خوش بیان غمگساریله
.
.
یتوردی اوز امتحانینی باشه اول شهنشاه ممتحن
دیار غربت ده ویردی جان حسرتیله دلده غم وطن
غریب آتایه غریب اوغول گلدی ویردی غسل ایلدی کفن
او شاهی بی غسل و بی کفن قویمادی قالا احتقاریله
.
.
#گریز
#اکبریه_شهادت
.
نه یاخشیدور جان ویرن زمان باشی اوسته اوغلون گوره آتا
آلا دیز اوسته باشین اوغول اشگ چشمینه خون دل قاتا
چتیندی اما آتا باخا نوجوان اوغول قانینه باتا
حسین و اکبر غمی دوشور یاده بو غم سوگواریله
.
.
گوروب حسین ابن فاطمه نوبهار عمری خزان اولوب
دوشوبدی قان ایچره اکبری ضعفدن گل عارضی سولوب
باباسی تک شقّ اولوب باشی گوزلری قزلقانیله دولوب
سزیلدیری ال ایاق چالور یرده پیکر زخمداریله
.
.
بو منظره آلدی اول شهین سینه دن قرار و توانینی
قاتوب جگر قانینه او دم گوزلرینده اشگ روانینی
چوکوب یره چکدی سینیه جان کیمی گل اوزلی جوانینی
سو سپدی گل تک جمالینه اشک دیدۀ اشگباریله
.
.
نقدر دیندیردی دینمدی نوجوان اوغول آچمادی گوزون
امیدی یأسه دونوب گوروب اکبری دیه بولموری سوزون
اَگیلدی گل تک سولان یوزه حسرتیله قویدی سولان یوزون
اوغول جمالی ایدوب آتا عارضینی گلنار ثاریله
.
.
باخوب او صد پاره پیکره چکدی سینه دن آه شعله بار
نجه ایدر گلستانده باغبان گلوندن کنار خار
دلینده ناله ایدردی اول گل وجودون اوخلاری کنار
چتین دؤزر باغبان گوره گل اولوب هم آغوش خاریله
.
.
بو غمده گل داد و شیونه اشگ توک رخ زرده تائبا
حسین آناسی دیر آدون ثبت ایدلَّه دفترده تائبا
متاع شعرین گیدر بیوک بیر بهایه محشرده تائبا
بهشت او لار نوحه وه من لطف حضرت شهریاریله
.
.
.

متن پیشنهادی:  بو نه شورش دی گینه عالم امکانه دوشوب #ورود_محرم_آذرین_خلخال

#کاظمیه_تائب_تبریزی
#کاظمیه_شهادت
#یتوب_منیم_عمروم_ای_خدا_باشه_محنت_بی_شماریله
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی