کوچ از کربلا
زبانحال حضرت زینب سلام الله علیها
.
.
.
علی شهودی
.
.
الیمدن گئتدون آی قارداش بلالر قالدی من قالدیم
بو وحشتلی بیاباندا جفالر قالدی من قالدیم
.
نه اکبر قالدی نه اصغرنه عباس و نه ده جعفر
بو دشت پربلاده اشقیالر قالدی من قالدیم
.
سنه صدپاره قلبیمده واریدی چوخ سوزوم قارداش
سینان نی تک بوغازیمدا نوالر قالدی من قالدیم
.
خیامه ووردولار اود قیزلارون پخش اولدی صحرایه
ملر آهو کیمی چولده رهالر قالدی من قالدیم
.
یقین بیل قویمارام باتسین بو قانلار بو بیاباندا
بو مروه ایلن صفا ایچره صفالر قالدی من قالدیم
.
منی هردم بو پیکرلر هرایه سسلیور قارداش
شهیدلر باشی اوستونده لوالر قالدی من قالدیم
.
اگر چه قویمادی دشمن دویونجا بیر ایدم زاری
سنه شاماتیده شام عزالر قالدی من قالدیم
.
نلر زینب باجون قارداش چکر بو راه شام ایچره
اوزون آگاه سن محنت سرالر قالدی من قالدیم
.
هله بوندان سورا باشلار منیم ایام غمباریم
خرابه منزیلینده ماجرالر قالدی من قالدیم
.
باجی قارداشلیق عالمده عجب بیر آیری عالمدور
حسینیم سن شهید اولدون بلالر قالدی من قالديم
.
#کوچ_کربلا
#الیمدن_گئتدون_آی_قارداش_بلالر_قالدی_من_قالدیم
#علی_شهودی
#ترکی
#زبدةالاشعار
نظر دهید