شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم شانی تبریزی (1)
.
زوجۀ شه امّ سبطین مصطفانین روح و جانی
بنت طاها یعنی زهرا ترک ایدوبدور بو جهانی
پوزدی حال مرتضانی (1)
.
.
عمری چوخ کم قامتی خم تیره روز و روزگاری
حالی برهم زلفی درهم ناله و شیون شعاری
دیده پرنم دلده چوخ غم یوخ انیس و غمگساری
گئتدی دنیادن اورکده قالدی چوخ درد نهانی
.
.
عالم و آدم اولاندان خلق گلموب روزگاره
حضرت زهرا کیمی بیر غم کشیده قلبی یاره
نه گلور شرحه غمی نه درد و اندوهی شماره
وار کیمین بو شرح غمده قدرت نطق و بیانی
.
.
هر ستم لر بیر طرف بیر یان بو ظلمی اول ضلولین
بو مصیبت وار نجه پوزماز اسف حالین رسولین
حشره دین اولدی تلف بیر ثلثی اولاد بتولین
بیلدی بو سوزدن بیلن واضح دیمم بو ماجرانی
.
.
اولادی فارغ مصیبتدن بو رنج و غم کشیده
اولدی اون سگزایل عمریله سهی قدّی خمیده
حضرت صادق بویوردی جدّہ میز اولدی شهیده
ئولمه دی صدیقۀ کبرا اونی ئولدوردی جانی
.
.
ناله سیندن اهل یثرب حیدره ایتدی شکایت
مطلبی زهرایه اظهار ایلدی شاه ولایت
پوزدی حال حضرت زهرانی بو اودلی حکایت
بو نه عالمدور مگر دونسون بیله دور زمانی
.
.
ترک ایدوب اوز منزلین محبوبۀ خلاق ذوالمن
گئتدی چولده بیر درختین سایه سینده ایتدی مسکن
بیر نچه مدت او مسکنده گیدوب ایلردی شیون
عاقبت ظلم اهلی کسدی اول درخت سایبانی
.
.
سایه دن گوردی حسینیله حسن زهرانی مأیوس
گونده کی تک اولدیلار بیکس آنایه گونده مأنوس
علت ایجاد یاسین دوتماقا زهرانین افسوس
نه ایوینده اولدی امکانی نه صحراده مکانی
.
.
شام اولاندا منزله رجعت ایدوب هر اوچ جگرخون
شه باخوب گوردی ایکی شهزاده نین حالین دگرگون
یاندیروب گون یوزلرین هم مو پریشان حالی پوزقون
یوزلرینده خشگ اولوب گوزدن آخان اشگ روانی
.
.
علتین آلدى خبر اول عالم اسرار پنهان
سویلدی زهرا درخت سایبانی کسدی دونان
صبح اولاندا شه گیدوب ایتدی بنا بیر بیت الاحزان
گللرین حفظ ایتدی گوندن باغ دینین باغبانی
.
.
همّتون عالم فداسی ای ولیّ حیّ ذوالمن
بیر حسینون گل یوزون گون سولدوراندا دُؤزمَدون سن
شیعه لر قولینجه ای شاه نجف عرض ایلورم من
بیرگلیدون کربلایه ظهر عاشورا زمانی
.
.
تاگوریدون گون قباقینده حسینین جسمین عریان
سایبان اوخلار پری اولموشدی بستر قرمزی قان
مرهم زخمی دلیم لال اول دیمه سُمّ ستوران
داغلاما صدیقه نی یاندیرما قلب مصطفانی
.
.
قلوه شاها سنون چوخ گلمه سون نسگل بو مطلب
گلمدون سن گلدی اما اوز قزون عصمتلی زینب
تاپمادی بیر سایبان آغ ساچلارین توکدی مرتب
چاک چاک اعضاسی اوسته اول وفا و مهرکانی
.
.
آه یا صاحب زمان دوندی گوزومده شامه گوندوز
ابر نیسان تک ایدوم نه چاره دویمور اشگدن گوز
خامه دن جاری اولور گوزدن آخان اشگیم کیمی سوز
یوخسا واضح طرزیله عرض ایتمرم بو ماجرانی
.
.
چون زمان کوچیدی لشگر ایدردی کوچه سرعت
کیم آیردی زینبی آنلار اونی اهل روایت
الده قمچی بیر شقی غیظیله سسلندی او ساعت
گئتدی زینب عزّتون دور وورما لنگه کاروانی
.
.
بیر نفر بو مطلبین تحقیقینی ایتدی تقاضا
موسوی ذوقی دیدی لا شأنی لیک اولدی مهیا
گور دیمز دلریش اولان زهرا غمینده بیله آیا
بنت طاها یعنی زهرا ترک ایدوبدور بو جهانی
.
(1) مطلع شعر از مرحوم #دلریش میباشد.
.
#فاطمیه_شانی_تبریزی
#فاطمیه_شهادت
#زوجه_شه_ام_سبطین_مصطفانین_روح_و جانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید