«زبانحال رباب»
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک .. #سبک_شهریاریمسن_آقا و …
محمدعلی مصیبی تبریزی
.
ال ایاق چالماگیلن گلدی آنان جانه اوغول
سن سوسوزسان،سو آخورکوه وبیابانه اوغول
.
.
روزگارین گل وگلزاری گوروم سولسون علی
من دعا ایلیوم آمین دی اولان اولسون علی
باشیوا من دولانیم ایسته آنان ئولسون علی
دیرناقین سینه می غلطان ائلیوب قانه اوغول
.
.
سو کنارینده اوغول مقصدیوه چاتمامیسان
ائوین آباد اولا گوزدن آناوی آتمامیسان
گئجه دن صبحه نه لای لای دئمیشم یاتمامیسان
نه قدر دۆزسون آنان ظلمت دورانه اوغول
.
.
یاندیریب اوچ گئجه گوندوز منی یاخدون گوزلیم
باغلیوب اللریوی بند طنابه ئوز الیم
بابان ، عباسه دایاخ سنده منیم آرخام ائلیم
یانورام تا باخورام من لب عطشانه اوغول
.
.
آغلور عالم سنون اخیامیده قیل و قالیوا
نه سالوب چرخ فلک کیم بیلوری اقبالیوا
کوفیان شاد وغزلخواندیلا عطشان حالیوا
یاناجاق گلشنیمیز آتش طغیانه اوغول
.
.
بشیگون کعبه احرام اولوب آل اللهه
یالواریلار هامی درگاه رسول اللهه
دولانان باشیوه آغلور بو غم جانکاهه
یوزه قان یاش الیورباخ غم پنهانه اوغول
.
.
سوسوزاحوالون اوغول سینه لری داغلیَجاق
یوزه گوزیاشلارینی شیعه لرین باغلیه جاق
وار نه دریاده بالیق حالیوه قان آغلیه جاق
تالانار گلشنیمیز خار مغیلانه اوغول
.
.
گوزلیم خواب ائله بیربیله خراب ائتمه منی
سنی زهرا بئله بی طاقت و تاب ائتمه منی
سینَمه بیله گوزون تیکمه کباب ائتمه منی
خواب ائله باخماگیلن سینه سوزانه اوغول
.
.
لبلریندن عطش آیاتی نمایاندور علی
بیلورم سوز عطشدن ئورگین قاندور علی
اود وروب سینۀ سوزانیمی آز یاندور علی
یوخدی صود باغلاما بئل بیربئله احسانه اوغول
.
.
گوزلیم آهوباخیش گوزلریوی سوزمه گیلن
قلبیمین رشته احساسینی گل ئوزمه گیلن
سنی زهرا بو قدر لبلریوی بوزمه گیلن
آز قالور تا باش آچام کوه و بیابانه اوغول
.
.
.
.
#اصغریه_مصیبی_تبریزی
#اصغریه_شهادت
#ال_ایاق_چالماگیلن_گلدی_آنان_جانه_اوغول
#ترکی
.
✍️ #زبدةالاشعار ✍️
.
🆔: @nohe_torki
نظر دهید