شب عاشورا
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
مرحوم پُرغم
.
بو گجه شمر دغادن بیزه مهلتدی باجی
سوسوز اطفالیمی یغ باشیوه فرصتدی باجی
.
.
وئر خبر برگ خزان تک سارالان گل لریمه
بو گجه مستعد اولسونلا مصیبتلریمه
انتظارم اودی گلمز یوخی بو گوزلریمه
کیمسه بولمز که صباحیم نه قیامتدی باجی
.
.
بیر غریبون باجی جان اولماسا بیر دادرسی
استراحت گوره بولمز نه قدر وار نفسی
نجه راحت یاتوم ئوز عمرومون آخر گجه سی
که یقینیمدی صباح روز شهادتدی باجی
.
.
سوسوز ئولماق بو بیاباندا خیالیمدی منیم
بیرجه زاد باعث اندوه و ملالیمدی منیم
بویانان السیز ایاقسیزلار عیالیمدی منیم
هر مصیبتدن علاوه بو مصیبتدی باجی
.
.
چون قزل قانیمه بو جسم مطهر باتاجاق
قیزلاریم گوشۀ ویرانه ده مسکن تاپاجاق
گوزی یاشلی قوری یرده بو سکینم یاتاجاق
بو گجه قوی یاتا راحت یری راحتدی باجی
.
.
بو هلاکت چولون ائتدیم ئوزومه ملک حجاز
بوردا معبودیمیله ائتماق ایچون راز و نیاز
قیلارام قتلگه عشقده عشق اوسته نماز
بیر چوخور یر منه محراب عبادتدی باجی
.
.
کوی وحدتده سورونَّم یارالی پیکریله
قاسم و اکبر و عباس وفا پروریله
که گَرَک سینه رَگی دوغرانا بو خنجریله
کیم بولر سرّ شهادت نه سعادتدی باجی
.
.
یات بیر آز راحت اول ای بنت رسول مدنی
که صباح قویمیه جاق دشمنیم آسوده سنی
صبحه تک بیچ باجی یتمیش شهدایه کفنی
منه راحتدى بو صحبت سنه زحمتدی باجی
.
.
صبریم آخر کسیلور صبح آچلینجا بو گجه
سال قولون بوینوما درد دل ائدینجا بو گجه
باجی قارداش ایلیاق ناله دویونجا بو گجه
شب فرقتدی بو دیدار غنیمتدی باجی
.
.
توکمه گوز یاشوی تا وار نفسیم جاندا هنوز
جگرون داغلاما بیله بو بیاباندا هنوز
قوللارون باغلی دگول وادی هجراندا هنوز
قارداشون باشی بو جسمینده سلامتدی باجی
.
.
ساخلا گوز یاشوی بیر وقته که قدّون بوکولور
سو کنارینده سوسوز ظلمیله باشیم کسیلور
بیر طرفدن گورسن توپراقا قانیم توکولور
بو رُموزات شهادت بیزه عادتدی باجی
.
.
ائتمه چوخ ناله آنام باجی سونر آتش غم
اولمیوب شعله ور اول دمده که باشلانسا ستم
دوشه چاق چوللره آهو کیمی بو اهل حرم
خیمه گاهیمده صباح شورش غارتدی باجی
.
.
بو قدر درد و بلایه که من بی کس و زار
سالدیم ئوز باشیمی بی وجه دگولی علّتی وار
نجه من عرصۀ محشرده قویوم «پرغمی» خوار
گوگلومون عمدۀ مقصودی شفاعتدى باجی
.
.
#شب_عاشورا_پرغم
#بو_گجه_شمر_دغادن_بیزه_مهلتدی_باجی
#ترکی
.
✍️ #زبدةالاشعار ✍️
.
🆔: @nohe_torki
نظر دهید