#ای_اوخ …
زبانحال حضرت اباعبدالله الحسین (ع) با تیر سه شعبه
.
.
.
مرحوم کهنمویی
.
.
اورکدن چخماقون ممکن دگل اینجیتمه جان ای اوخ
پرآچ پرآچدوقون بیریاریه اول سایبان ای اوخ
.
.
اگر چه ظاهراً اوخ سان ولی چوخ قیمتون واردور
بو گون انجام خدمتده بیوک جدّیتون واردور
پیام حقّه حامل سن نه عالی رتبتون واردور
گلوب خوش گلموسن ائتدون حسینی شادمان ای اوخ
.
.
دگول قلبیم منیم عادی مکان ، حق تکیه گاهی دور
بو پاره پاره سینم مخزن علم الهی دور
وجودیم سربسر آیات توحیدون گواهی دور
عجب قیمتلی یرده اگلشوب ائتدون مکان ای اوخ
.
.
بو یر گوگ حقّدور حق خالق بی مثل و یکتا حق
پیمبر اوغلیام ئولدوردولر امّت منی ناحق
ئورک قانیم آخار معناده نقش ایلر یره یا حق
بنای باطلی محو ائتدی حق اولسون عیان ای اوخ
.
.
یوزوم گرد و غبارین قانیمیله شستشو وئرّم
سرافراز ایلرم اسلامیانه آبرو وئرّم
ئورک قانین پیمبر اکدیگی گلزاره سو وئرّم
مبادا غنچه لر سولسون پوزولسون گلستان ای اوخ
.
.
ئورک قانین سَپَر فوّاره تک بو نحر منحوریم
ائدر کشف حقیقت اهل حقّه قلب مجروحیم
رضایم چخمیا تئز، گئج بدندن آیریلا روحیم
شکسته دل اولان هر آن مکان و لامکان ای اوخ
.
.
مقام قرب حقّی دین یولوندا ئولمین بولمز
جهاندا شاد اولار کافر قیامتده یوزی گولمز
ئولر جنّ و بشر بیر ذات حیّ لایموت ئولمز
جهان فانی اولار من قالمارام سن قالماسان ای اوخ
.
.
گلنده مژده وئردون گلماقون مسرور خوش گلدون
نشیمنگاهیوی گوردون ئورک باشینده بوش گلدون
بو یرده میزبان اول ایله هر مهمانه خوش گلدون
گلنده زخم تیغ و خنجر و زخم سَنان ای اوخ
.
.
هامی بند اولموش اوخلاردان واردوندور امتیاز ای اوخ
سو یوخ قان عاشقه وئردون که آلسون دستماز ای اوخ
مقام قُربده قیلسون ایکی رکعت نماز ای اوخ
که بیلسونلر مسلمان ئولدورور اسلامیان ای اوخ
.
.
دئدیم من فاسق و فاجردن اسلامه امام اولماز
دئدی بونلار یزیددَن غیره بیزدن احترام اولماز
مخالف شخصی ئولدورروخ حیاتینده دوام اولماز
لب عطشان ئولدورللر کوفه اهلی شامیان ای اوخ
.
.
حسین #کهنمویی شهرتیم ، دینیمده یکرنگم
رهِ شعر و ادب سیر ایلین موقعده پالنگم
ولی بیر بوردا استاد #شباهنگه هماهنگم
ئورکدن چخماقون ممکن دگول اینجیتمه جان ای اوخ
.
.
#قتلگاه
#حسینیه_شهادت
#اورکدن_چیخماقون_ممکن_دگول_اینجیتمه_جان_ای_اوخ
#ای_اوخ_کهنمویی
#کهنمویی #ریاضی_تبریزی
#ترکی
#زبدةالاشعار
نظر دهید