مظهراللهه یتوب بیر خصم بد کردار اوخ #حسینیه_سرباز_اردبیلی

#ای_اوخ …
.
.
.
مرحوم سرباز اردبیلی
.
.
مَظهَرُاللهَه یتوب بیر خصم بد کردار اوخ
اوخ کماندان قورتاریب سسلندی هشت و چار اوخ
.
.
اوخ تیکاندان رحمسیز دور برگ ریحاندان گئچر
اوخ نه دور بیر باخ شریحون خامه سی جاندان گئچر
گه سو مشگیندن گوررسن گاه مژگاندان گئچر
گه قلمدور گاه خنجر دور گهی مسمار اوخ
.
.
اوخدو خنجردن کسرلی رشته صبری قیرار
بیر نشاندان اوخ دگر مین قلبه اما اوخ ورار
اوخ که قارداش آلنینا دگدی بلی بئل سیندیرار
باش آچیق جنتده سسلر احمد مختار اوخ
.
.
آچدی ال ظلمه ائلیکی قوم پست و بی ادب
دومین اوچ شعبه اوخ گوردی بیر ایش یاللعجب
ائتدی میداندا حسینی غرق دریای تعب
خوابیدن شش ماهه طفلی ائیله دی بیدار اوخ
.
.
تاپدی الفت داش جبین سرور عطشانیله
قانی سیلسین ایسته دی شه گوشه دامانیله
بیت حق اولدی مقابل زهریلی پیکانیله
گورجگین دل کعبه سین فورا اولوب زوار اوخ
.
.
اوچ پر اوخ چیخدی کماندان ایله کی دوشدی یولا
آز قالوب جنتده زهرا زلفینی غمدن یولا
اوخ دگن ساعتده حضرت لنگر ائتدی ساغ صولا
شاه دینه عرصه نی چوخ ایلدی دشوار اوخ
.
.
گوئیا بیله مخاطب ائتدی تیری شاه دین
ایندی کی کامه یتشدون کاملا ای کان کین
خارج اول فورا گور نمزسن جمالین دلبرین
خوش دگیل یاریلن اولسون همنشین اغیار اوخ
.
.
سینه دن گوردی اوخی خارج ائده ممکن دگل
ایلدی خارج کورکدن خاری اول بی خار گل
سسلدی قوی ایندی زینب آغلاسین سن یرده گول
وار یئری زینب وروب باشه دئسه صد بار اوخ
.
.
.
.
#قتلگاه
#حسینیه_شهادت
#مظهر_اللهه_یتوب_بیر_خصم_بد_کردار_اوخ
#سرباز_اردبیلی #ای_اوخ_سرباز_اردبیلی
#ترکی
#زبدةالاشعار