عبرت نامه
.
✍️ #زبدةالاشعار ✍️
.
🆔: @nohe_torki
.
منتظری شریف آباد
.
اویما بوعالمه بیچاره بشر گیتمَلی سن
قبره فکر ایله بوگون یاکه سحر گیتملی سن
.
ایکی مامور الهی یازوری اعمالون
توشه ایستور بو خطرناک سفر گیتملی سن
.
انَّ الانسانَ لفی خسر بویورموش قرآن
حسنات اولماسا حتمی دی ضرر گیتملی سن
.
نه دولار درده دگر اوردا نه اَرز و سکّه
بوردا اِنفاق ایلسن درده دگر گیتملی سن
.
گئجه لرعالمی ایت عرض نیاز اللهه
بو قالان فرصتِوی ویرمه هدر گیتملی سن
.
وار ایکی جایگهون گلسه اجل هنگامی
بیری جنّت بیری سوزنده سقر گیتملی سن
.
صالح اولسان اوپَجاق ال ایاقوندان جنّت
معصیت پیشه یه آماده شرر گیتملی سن
.
یاحسین رمز نجات علوی ملّتدی
حشریده درده دگر اشک بصر گیتملی سن
.
اوکه عبّاسی اولا معصیته اوز وئرمز
معصیتدن ایله عبّاسی حذر گیتملی سن
.
زینبیّت عَلمی مقنعه دی چادر دی
تیر شیطانه حجابوندی سپر گیتملی سن
.
بولهَوسلر نظروندن اوزیوی حفظ ایله
گورمسون صورتون آلوده نظرگیتملی سن
.
منتظِر آغلا حسینه هم اوز احوالیوه
بیله اعماله گرک دیده ی تر گیتملی سن
.
.
#اویما_بو_عالمه_بیچاره_بشر_گیتملی_سن
#ترکی
.
✍️ #زبدةالاشعار ✍️
.
🆔: @nohe_torki
نظر دهید