اکبرین نعشین گتوردوم گل تماشایه باجی #اکبریه_صافی_تبریزی

شهادت حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم صافی تبریزی
.
اکبرین نعشین گتوردوم گل تماشایه باجی
هم اوزون گل هم خبر ویر ام لیلایه باجی
گور بو گلبرگ تری
پاره پاره پیکری
.
.
وار نه حالیم یوخ بولن بیر خالق اکبر بولور
بیرده بولسه لیلی بیچاره و مضطر بولور
لیلی حالنده فقط اوغلی ئولن مادر بولور
طاقت و صبریم تالاندی گئتدی یغمایه باجی
.
.
محترمدور بو جنازه باخما اکبر نعشیدور
خلقاً و خُلقاً رسول الله مظهر نعشیدور
صورتاً اکبردی معناده پیمبر نعشیدور
ویر خبر سن عترت یاسن و طاهایه باجی
.
.
زحمتین چکدی وفا بزمنده کی یولداشلاری
یوزلرینه باخمادی جاری اولور گوز یاشلاری
نعشنی حمل ایلدی تدبیر یله قارداشلاری
ممکن اولمازدی گتورمک شخص تنهایه باجی
.
.
حالنی اولماز بیان ایتماق باجی تقریریله
دوغرانوبدور نازنین جسمی دم شمشیریله
قویدیلار نعشین عبایه گتدیلر تدبیریله
شور محشرسالدیلار بو دشت و صحرایه باجی
.
.
چوخ یاراسی وار باجی تاپمش گوزل بیر امتیاز
حقی واردور گوز آچانمیر ایلیه لیلایه ناز
لایق اکبر ندور لازمدی اولسون پیشواز
هر باخان احسن دیسون بو ماه سیمایه باجی
.
.
اوز یاراسیندان آخان قاندان سالنسون رختخواب
بیرنفر دیندیرمسون دلدندوشوب ویرمز جواب
اشگ چشمیله بو گل اوسته گلن سپسون گلاب
آغلاسون یانسون باخان بوشکل زیبایه باجی
.
.
من باخوب یاننام بونا باجی دل محزونیله
وار یری لیلا اگر همنام اولا مجنونیله
نافه مشکین کیمی آغشته اولموش خونیله
گل نظاره ایله بو زلف سمن سایه باجی
.
.
صاف قلبون «صافیا» بو طبعی سرشار ایلیوب
ابر باران بهاران تک گهر بار ایلیوب
اوزلری هر گونه تحسینه سزاوار ایلیوب
تابع اولموش قارداشیندان بیرجه ایمایه باجی
.
.
#اکبریه_شهادت
#اکبرین_نعشین_گتوردوم_گل_تماشایه_باجی
#ترکی
.
✍️ #زبدةالاشعار ✍️
.
🆔: @nohe_torki