#یا_اباالحسن
.
✍️ #زبدةالاشعار ✍️
.
🆔: @nohe_torki
.
مرحوم عبدی قراملکی
.
ای جمال اوصافی مظهر حی لم یزل یا اباالحسن
بارگاه قدسی بهشتدن با صفا گوزل یااباالحسن
.
.
ای جمالی مشکوة نور حق ، اهل عالمینه دلیل سن
وار رضایتونده رضای حق ، آیت خدای جلیل سن
عارضندی مرآت حق نما ، مظهر جمال جمیل سن
سنده منحلی نور باقیه ، آیت ازل یااباالحسن
.
.
ای وجود پاک و مقدسی عزت و شرف اهل عالمه
مایۀ مباهات و افتخار ، خاص و عامه ابنای آدمه
غبطه انبیای سلف ایدر بو جلال و بو شأن اعطمه
عزت و مقامات و شأنینده یوخ سنه بدل یااباالحسن
.
.
ای ولی خلاق ذوالجلال ، ثامن الائمه فدا سنه
دعوت ایتگیلن بیر قوناق گلیم ای شهنشه اتقیا سنه
یوز قویوم گوزل آستانوه آغلیم امام رضا سنه
جان ویرنده قلبیمده قالماسون حسرت و امل یااباالحسن
.
.
بیر مدید مدتدی حسرتم آستان والا مکینه من
گوگلوم ایستوری قبر پاکوی ایسته بیر گلیم اربعینه من
عارفاً بحقه زیارتون ویرمرم بهشت برینه من
یوخ بهشتده طوسده اولان عزت و خول یااباالحسن
.
.
نار فرقتون جانه اود سالوب یاندیریر هر آن بو شرر منی
نیلیم وصاله چاتانمورام بو غم ایلیوب دیده تر منی
من گدای درباریوم شها ، سالموسان گوزوندن مگر منی؟
بیر اوزون سن دعوت گلیم گلمه میش اجل یااباالحسن
.
.
ای یگانه دریای ذوالکرم بی کراندی علم و فضیلتون
هل اتایه سن نور دیده سن واجب ایلیوب حق طاعتون
اجر و مزدی جنتدی هر کیمه گر نصیب اولسا زیارتون
طالب بو فیض کمالیدور کل بو ملل یااباالحسن
.
.
آستانوین پای بوسینی هر ملایکه آرزو ایدر
اشک چشمیله شستشو ایدر ، قبروین غبارین رفو ایدر
حق یانندا باالله بو خدمتین عمده مایهء آبرو ایدر
فخردور مقرب ملایکه بو گوزل عمل یااباالحسن
.
.
خطه خراسانه ویرموسن فوق العاده بیر رونق و صفا
رشک ایدر سناآباد شهرینه عرش کبریا خلد برملا
رتبه ده بهشت برین هارا؟ عرش حق هارا؟ مدفنون هارا؟
اولماز هیچ بیری شأنیده سنون قبریوه مثل یااباالحسن
.
.
#رضویه_مدح #عبدی_قراملکی
#ای_جمال_اوصافی_مظهر_حی_لم_یزل_یا_اباالحسن
#ترکی
.
✍️ #زبدةالاشعار ✍️
.
🆔: @nohe_torki
نظر دهید