زبانحال حضرت زهرا سلام الله علیها
.
#سبک ها
#سبک_ای_درد_بی_درمانلارا … 10 سبک
.
#سبک_یا_فاطمه_من_عقده_دل_وا_نکردم
واگیر برای این سبک :
مظلومه ام من (2)
عَجِّل وَفاتی (2)
.
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک :
گلشنده یاس پرپرم
پُر غصّه عمری نیلرم
عَجِّل وَفاتی …
.
.
علیرضا حضرتی ناعمی
.
.
ای خالق صاحب کرم عجّل وفاتی
محزون و زار و مضطرم عجّل وفاتی
.
.
قانه دؤنوبدی غصّه دن گؤزیاشیم الله
گؤزیاشی دور گوندوز گئجه یولداشیم الله
یوخدور آنام باجیم آتام قارداشیم الله
قلبیمده محنت بسلرم عجّل وفاتی
.
.
من دختر دردانۀ ختم رسولم
صدّیقۀ کبری گل طاها بتولم
بو بی وفا امّت جفاسیندن ملولم
قلبیم ائدوب غمدن ورم عجّل وفاتی
.
.
ترک ایلیوب دنیانی طاها سوگوارم
یاننام آتا هجرینده هر دم اشکبارم
بو امّته آخر آتامدان یادگارم
بند دل پیغمبرم عجّل وفاتی
.
.
پیغمبر رحمت ائلیکی ائتدی رحلت
دوتدی جهانی سر به سر اندوه و محنت
ئولدی او شه زهرانی بیردن داندی امّت
روز و شب افغان ایلرم عجّل وفاتی
.
.
چوخ امّتی چیخدی وفاسیز مصطفانون
دؤندردی قانه قلبینی بو بی نوانون
غصب ائتدیلر حقّین علی المرتضانون
اول بی کسه غم پرورم عجّل وفاتی
.
.
دوشدی او حضرتدن سورا باشیم بلایه
توش اولدی درگاهیم منیم نار جفایه
یاده دوشر اول منظره گللم نوایه
یاننام اورکدن سسلرم عجّل وفاتی
.
.
برپا او گون اولدی منیم محشر قاپیمدا
فریاده گلدی ثانی کافر قاپیمدا
چیخدیم گؤرم اول فتنه جو نیلر قاپیمدا
قورخوشدی اطفال حرم عجّل وفاتی
.
.
بیلدیم بودور قصدی علیدن بیعت آلسون
دینون یولون بیراهیه دنیاده سالسون
گؤردوم گرک فریاد حق عرشه اوجالسون
مظلوم امامه یاورم عجّل وفاتی
.
.
ای وای او ساعتدن کی گلدی قهره ثانی
چکدی اودا درگاه شاه لافتانی
عزم ایلدیم حفظ ایلیم خط ولانی
الدن وفانی وئرمرم عجّل وفاتی
.
.
ای وای الهی زمرۀ اغیار الیندن
شکوایه گللم روز و شب اشرار الیندن
واردور یئری قان آغلاسام مسمار الیندن
سینه یارالی دلبرم عجّل وفاتی
.
.
سن سن خبیر الله غم دیوار و دردن
زهرا نلر چکدی فشار اهل شردن
ایمنده محسن قالمادی یا رب خطردن
غرق غم و اشک ترم عجّل وفاتی
.
.
تندن فراغت جامه سین سویدوم الهی
قرآن یولوندا جانیمی قویدوم الهی
اون سکگیز ایلده دهریدن دویدوم الهی
گلشنده یاس پرپرم عجّل وفاتی
.
.
قلبیمده یا الله قالانمیش غم غم اوسته
سینه یارالی، نیلی صورت، قلبی خسته
ایستور ئولوم صدّیقۀ پهلوشکسته
پر غصّه عمری نیلرم عجّل وفاتی
.
.
یوخ طاقتیم آرتیق داخی داغلار گؤرم من
بو ائوده زینب گؤزلرین آغلار گؤرم من
شیرخدانون قوللارین باغلار گؤرم من
ای خالق صاحب کرم عجّل وفاتی
.
.
#فاطمیه_شهادت
#ای_خالق_صاحب_کرم_عجل_وفاتی
#ترکی #فاطمیه
#زبدةالاشعار
نظر دهید