زبدةالاشعار

وفالی همسریم اویان یارالی دلبریم اویان #فاطمیه_احمد_پوریا

زبانحال حضرت امیر المومنین علی (ع) به حضرت زهرا (س)
.
✍️ #زبدةالاشعار ✍️
.
🆔: @nohe_torki
.
کربلایی احمد پوریا
.
در آهنگ قدم قدم
.
وفالی همسریم اویان یارالی دلبریم اویان
زمانه دن یورولموشام دُخت پیمبریم اویان
.
آی زهرا نجه دوزسون حیدر
بی کسدی بی معین و یاور
آی ایشیقلی گونوم تیز باتما
زینبی ایلمه بی مادر
جان یارالی فاطمه جان 2
.
.
.
دور یارالی حیدری گور بال و پری شکسته دور
خیبری فتح ایدن علی توانی یوخدی خسته دور
.
آی زهرا باخورام مسماره
سینوی نجه ایتدی یاره
سقط اولدی محسن اوغلوم یانام
سنسیز حیدر اولوب آواره
.
.
.
پرپر اولوب گلوم منیم اورک یانور نوالیم
اوت دوتوب اوتلاندی قاپیم عشقیم اولوب عزالیم
.
پیغمبر گلی اولدی پرپر
زینبیم سالدی قاره معجر
آیریلمازدی علی زهرادن
باعث اولدی اونا میخِ دَر
.
.
.
مین یول اولوب دیریلمیشم نعشیوی غسل ایدن زمان
باشه وروب آغلامیشام یاره لرین گورن زمان
.
نیلوم آغلولاّ زینبینون
آنا سیز قالدی نور عینون
حسن بیلمم نیه دانیشمور
جان ننه سسسلیور حسینون
.
.
.
فدکی غصب ایدن قوشون قاپومی یاندوروبدولار
قولیمی باغلیوبدولار همسریمی وروبدولار
.
اولموشام غرق درد و محن
ایتمیشم اوز الیملن کفن
کوچده نه گوروب بیلمورم
بغض ایلوبدور دانیشمور حسن
.
.
.
هر گجه قبرین اوستونه سینه سی یاره گلمیشم
شمع مثالی یانموشام یاسلی مزاره گلمیشم
.
آی پهلوسی سینان راحت یات
غملردن یورولان راحت یات
دنیاده چوخ مصیبت چکدون
محنتدن قوجالان یات زهرا
.
.
.
شاهد اول ای خدا که من دینه گوره دایانموشام
گوز قاباقیمدا همسریم پرپر اولوبدی یانموشام
.
(پویا)یاز قوی قان اولسون دفتر
شیعیه گوره دوزدی حیدر
کیم سسلنسه علیی اولادین
روز محشر یولیمی گوزلر
.
.
.
.
#سبک_قدم_قدم_با_یه_علم
.
.
#فاطمیه_شهادت
#وفالی_همسریم_اویان_یارالی_دلبریم_اویان
#احمد_پوریا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایله مستم جام عشق ِ دلبر خیرالنسادن #حسینیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی