دیار آشنا
.
✍️زبدة الاشعار✍️
.
🆔: @nohe_torki
.
مصیبی تبریزی
.
بو دیار آشنا دارالشفا دور شیعه لر
توپراقون ئوپ قورخما عیناً کربلادور شیعه لر
.
.
مطمئناهر کسین قلبینده وار بیر یاره سی
چوخلاری ایللردی بیردردین اولوب آواره سی
بیر طبیب آدین دیوم هر درده وار مین چاره سی
هم ئوزی همّی مطبی باصفادور شیعه لر
.
.
پاک ائله احساسیوی سال یادیوه نسگیللری
ضامن آهونی سسله زینت ائت محفللری
بو علی نین اوغلودی والله آچار مشکللری
مرتضا تک اوغلودا مشکل گشادورشیعه لر
.
.
گل خراسان ملکینه وار اوردا بیر دردآشنا
وارد اولجاق صحنینه ؛گوزده بکا دلده نوا
عشقیلن بیردفعه سسلن یاعلی موسی الرضا
خالص اولسان حاجتین والله روادور شیعه لر
.
.
هرگدا یا شاه هر بیر منصب و مسند ده دی
مطمئناً درده دوشسه فکری بیرمرقدده دی
گوزلری یا کربلا دشتینده یا مشهدده دی
اصل مطلب عشقیدی درده دوادورشیعه لر
.
.
گر فشارغصه دن غمدن،بولوت تک دولموسان
یا خزان عمر غمبارینده گول تک صولمیسان
یا اسیر پنجه فقر و فلاکت اولموسان
آچ الین قورخما بورا بزم دعا دور شیعه لر
.
.
خاک جنت دور یقین ملک خراسان توپراقی
بو سبب دن چوخ معطردور بو ایران توپراقی
سیز ئوپون دردی اولانلار؛ بو قزل قان توپراقی
سرمه چشم ایلیون چون توتیادور شیعه لر
.
.
گنج عترتده عقیق نابیدی موسی الرضا
برج لطف ومرحمت مهتابیدی موسی الرضا
بیز رعیت بیزلره اربابیدی موسی الرضا
کیم رعیت دور بو اربابه آقادورشیعه لر
.
.
ای«مُصَیـّب»روسیه سن دهریده،بی گفتگو
اهل بیتین بارگاهیندن تاپوبسان آبرو
هرزمان گلدون خراسان ملکینه؛ یاز باوضو
بیله شاهه سائل اولماق پربهادور شیعه لر
.
#سبک_زینبم_جان_اوستیم … 4 سبک
.
#رضویه_مدح
#بو_دیار_آشنا_دارالشفا_دور_شیعه_لر
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید