شیعه گل شوریله بیر فغانه #رضویه_دلریش

شهادت ضامن غریبان امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم دلریش
.
شیعه گل شوریله بیر فغانه
باشه وور گوزیاشون ائت روانه
چون عزای امام رضادور
سال فغانیله ناله جهانه
.
.
قوردی بیر بزم مأمون غافل
ایلدی زهر انگوره داخل
اولدی شاه خراسانه قاتل
زهر وئردی امام زمانه
.
.
بولمرم بوردا وار دور نه حکمت
انبیا اولیا چکدی غربت
ارث اولوب بیر بیرینه شهادت
ائتدیلر نوش هر ظلمی جانه
.
.
چوخدی چرخین بو نوع جفاسی
یوخدی هئچ ظلمینین انتهاسی
جانیمیز بو غریبین فداسی
گئچدی جاندان دؤزوب امتحانه
.
.
گر امام رضا اولدی رنجور
غسل وئردیله ائتدیله کافور
قالدی اما حسین پیکری عور
ایستی قوم اوسته قانی روانه
.
.
هر جفا ائتدی دشمن دایاندی
راه جاناندا قانه بویاندی
ظلمیله خیمه گاهی تالاندى
قاچدی قوشلار یانوب آشیانه
.
.
قیردیلار اول شهین لشگرینی
دوغرادیلار جوان اکبرینی
حرمله سودامر اصغرینی
ائتدی تیر جفایه نشانه
.
بیر لبی که جناب پیمبر
بوسه گاه ایلمیشدی مکرر
نه روادور یزید ستمگر
آشنا ایلسون خیزرانه
.
.
نیلدی اوندا بیچاره زینب
قارداشین گوردی صدپاره زینب
ائتدی نه نوعی نظاره زینب
گوردی باشین ووروبلار سنانه
.
.
یاحسین بیرده زوار اولایدوخ
کربلاده عزادار اولایدوخ
قبر پاکونده خونبار اولایدوخ
چاره قیل باغریمیز دوندی قانه
.
.
ای دؤزن هر غم و هر بلایه
ایلین تاب یکسر بلایه
«دلریشی» ایسته بیر کربلایه
آغلاسون اکبر نوجوانه
.
.
.
.
#سبک_ای_قلم … 5 سبک
.
#رضویه_شهادت
#شیعه_گل_شوریله_بیر_فغانه
#دلریش
#ترکی
.
✍️ #زبدةالاشعار ✍️
.
🆔: @nohe_torki