تا سنون صورتوی خالق معنا یارادیب #مهدیه_فانی_تبریزی

مظهر حسن و وفا
.
✍️ #زبدةالاشعار ✍️
.
🆔: @nohe_torki
.
فانی تبریزی
.
تا سنون صورتوی خالق معنا یارادیب
منی اول عارضوه محو تماشا یارادیب
.
حسنوون نقشینی نقّاش قضا اهل دله
مظهر حسن و وفا آیت تقوا یارادیب
.
گون کیمی روشن ائدیر، کونی جمالون دیه‌سن
حق سنون مه یوزوی عالمه بیضا یارادیب
.
قاشلارون طرحی اولوب مسجده محراب دعا
زلفووون نقشی کلیساده چلیپا یارادیب
.
لبلرون شهد مصفّا کیمی، عارف‌لره حق
آب حیوانه قدر نوش و مهنّا یارادیب
.
گلشن حسنده ای سرو روان قامتیوی
سرولر ایچره عجب سرو دلارا یارادیب
.
گؤزلریم گورمده، اول گوزلروی، سویلدی دل
الله الله نه گؤزل گؤزلری شهلا یارادیب
.
گوئیا ای گؤ‍زلیم روز ازل دست قضا
سنی دلدار زمانه منی رسوا یارادیب
.
خلق ائدنده سنی معشوق جهان، خالق کون
«فانی» غمزده‌نی عاشق شیدا یارادیب
.
.
#تا_سنون_صورتوی_خالق_معنا_یارادیب
#ترکی
.
✍️ #زبدةالاشعار ✍️
.
🆔: @nohe_torki