عرض حال حضرت فاطمه (س) به پدر بزرگوارش
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
.
تنگ اولدی منیم آغلار گوزیمه
سنسیز بو هامی دنیا باباجان
نه نوع دوزوب هجرونده سنون
قان آغلاماسین زهرا باباجان
.
.
بیر عمر منه هرچند بابا
درد و محن و غم همدمیدی
آج قالماقیما من یانمازیدیم
سن عالمیدون نه عالمیدی
چون سن واریدون غم بولمزیدیم
قلبیم خوشیدی دل خرّمیدی
نه نوع دوزوم قان آغلامیوم
ممکن اولی بو آیا باباجان
.
.
بوندان سورا کیم سن کیمی منیم
دلدن آلاجاق درد دلیمی
کیم زایل ائدر سانسیز غمیمی
حل ایلیاجاق کیم مشکلیمی
ایتموم نجه من سنسیز باباجان
زندان بلا اوز منزلیمی
کیم فاطمه نون دردینه یتر
احوالین اولور جویا باباجان
.
.
حقیم بودی بو نعش اوسته یانام
تا وار نفسیم فریاد ایلیم
زلفیمی آچام باشیمه وورام
افغانه گلم من داد ایلیم
خون دلیمی اشکیمله قاتام
اوز چشمیمه بیر امداد ایلیم
بی سرّ دگل قان آغلاماقیم
بو ناله دگل بی جا باباجان
.
.
سنسیز بابا جان هر دمده منه
هر آنیده مین غوغا یتیشور
دنیاده بو غم تقسیم اولونا
هر بیر کسه بیر دنیا یتیشور
راضی دگلم قالماقیما من
از بس ستم اعدا یتیشور
قویمور قوروسون دشمن کفنون
شرم ایلموری اعدا باباجان
.
.
چوخداندی بابا ئولموشدی آنام
بیر مدّته دین گلمزدی یوزوم
فریاد و فغان همراهیمیدی
هر شام و سحر آغلاردی گوزوم
بیر عمریده من سنله خوشیدیم
سنسیز دایانوم نه قسم دوزم
واردور یری بو دنیانی دوتا
گوزیاشیم اولا دریا باباجان
.
.
یاد اولدی گینه میدان وفا
صحرای غم و اندوه و بلا
دوشموش یارالی گل پیکریله
قان دجله سنه شاه شهدا
قول باغلو تاپوب بی کس آتانون
باشسیز بدنین بیر خردا بالا
سسلردی اویان دور بیر یوخودان
قالدیم نجه گور تنها باباجان
.
.
#فاطمیه_صافی_تبریزی
#فاطمیه_شهادت #پیامبراسلام_شهادت #پیامبراسلام
#تنگ_اولدی_منیم_آغلار_گوزیمه_سنسیز_بو_هامی_دنیا_باباجان
#ترکی
.
✍️ #زبدةالاشعار ✍️
.
🆔: @nohe_torki
نظر دهید