بسته شدن راه فرات
.
.
✍️ #زبدةالاشعار ✍️
.
🆔: @nohe_torki
.
بیوک اعظمی تبریزی
.
رسم عالمدور ویرللر شرعده قربانه سو
کربلاده ویرمدی اعدا شه عطشانه سو
.
تشنیه سو ویرماقین الله یانیندا اجری وار
مرده جسمه دم ویرر درماندی خسته جانه سو
.
بیر یره اود دوشسه یانسا یوخدور اوزگه چاره سی
تا سونه شعله سَپَلّر آتش سوزانه سو
.
کربلا دشتینده اما بو عمل برعکس اولوب
آتش حسرت ووروبدور عالم امکانه سو
.
حرمتی لازمدی شرعاً میهمانون هر زمان
ویرمیویله قوم دون اما او گون مهمانه سو
.
بیر فراتی که ایچوب اوندان چولون وحشی لری
یتمیوب اما او چولده ناطق قرآنه سو
.
سو دیدی یاندی پیمبر اوغلی سو آخدی چوله
کاش دنیاده ازل گوندن دونیدی قانه سو
.
باغلادی دلبند زهرایه عدو سو یولّارین
آل طاهانی گتوردی ناله و افغانه سو
.
یاندیروب یاخدى رقیّه قلبنی سوز عطش
تشنه قالدى آخدی گوز یاشی کیمی هر یانه سو
.
تاپمادی سو غشّدن حاله گتیرسین اصغری
خیمده قویدی آناسین ایله یانه یانه سو
.
اولمادی بیر کس دیییدی قوم اشراره او گون
کیم دیوبدی ویرمیون بو گون شه خوبانه سو
.
رحم ایدون یاندی سوسوزلیقدان پیمبر قیزلاری
درد زینب تک گلور بو دشتده طغیانه سو
.
گورموسوز خرگاهی دولدورموش صدای العطش
آغلوری تاپمور آناسی اصغر عطشانه سوال
.
شاه عطشان سسلنوبدور ای سپاه کینه جو
قان ایچر لازم دگل بو تشنه لب سلطانه سو
.
من اؤزوم عین الحیاتم سو آنام مهریه سی
کیم گوروبدور آشنایه ویرمسون بیگانه سو
.
سلسبیله ناز ایدن آب فراتی نیلوری
بو منای عشقده لازم دگل قربانه سو
.
ریزه ریزه دوغرانوب سو ایچمرم ئوللم سوسوز
جسمیمون قانیله ویرّم ریشۀ ایمانه سو
.
انتظارم من بو گونده اوخلارا اوخلار منه
سینه سیندن شاهِ دین ویرسون گرک پیکانه سو
.
قتلگاهیمده گرک نازلی رقیّه آغلاسون
گوز یاشی توکسون سپیلسون صفحۀ میدانه سو
.
اعظمی گر قسمت اولسا کربلا گورسن سویی
سسله گوز یاشلی دونیدی ازّلیندن قانه سو
.
#فرات #اعظمی_تبریزی
#رسم_عالمدور_ویرللر_شرعده_قربانه_سو
#ترکی
.
✍️ #زبدةالاشعار ✍️
.
🆔: @nohe_torki
نظر دهید