در تعاریف حضرت اباعبدالله و اشاره به فرات رفتن سقای کربلا
.
✍️ زبدة الاشعار ✍️
.
🆔: @nohe_torki
.
#محمد_وهابزاده ( عیار اردبیلی )
.
حسیندی عالَمِ عشقه شهنشهِ جبروت
حسیندی قدرتی مافوقِ عرصۀ ملکوت
.
حسیندی معرکۀ مَسلخون سرافرازی
حسیندی حنجرۀ ظلمی ایلین مَسکوت
.
حسیندی هِیمنۀ وحشتی پوزوب داغیدان
اَریکۀ ستمی دوغریوب ائدن تابوت
.
نَه باش اگوبدی زَر و زوره مُرشدِ عُشاق
اودور که قتلگهینده ائدوبدی عشقی ثبوت
.
دِیوب شعار تَبرّاده ذلته هیهات
بُریده حنجرینه اولدی عرشیان مَبهوت
.
هاچان مرام عَلیده مصامحه گورونوب
حَسَنده علتی وار صُلحی ایلدی مشروط
.
چاتوبدی دوره یزیده حُسینیده تانیمور
جهاندا برهم اولا آلمازیدی حقِ سکوت
.
اَلیم کسیلسه دئدی ساربان قویون کسسون
خوشام که بیعتیلن حقی ائتمرم فَرتوت
.
.
حسینون امرینه ارض و سمادی حلقه به گوش
حسینون عشقینه دریالر ائتدی جوش و خروش
.
.
حسین مقاموه نُه طاقِ کبریا قربان
مرام و مقصدوه روح انبیا قربان
.
جلال و عزتوه عرش و فرش حیراندی
قیام و صبروه ذرات ماسِوا قربان
.
اوشوره زاری که زینب مطافِ عشق ائله دی
اوتپراقا شرف مروه و منا قربان
.
اودم که اصغره میداندا مشتری گزدون
اوساعتین دمینه روح هل اَتا قربان
.
علیِ اکبری میداندا قطعه قطعه گورن
عبایه یغدیقون اعضایه اولیا قربان
.
وزیر مُلک بلا ساقی لب عطشانه
کیم اولسا دایرۀ عشقیده فنا قربان
.
یقین قیامته جن بورجی واردی عباسه
حروف تک به تکِ واژۀ وفا قربان
.
.
وفادن آد گلوب عباس صدرِ مجلسدی
عمود مبحثی سنگین شَقیقه بی حِسدی
.
.
هراس و وحشت و عشق و جنوندا دَرهمدی
یازاندا سوزلرین (عیّار) شعری مُحکمدی
.
قولاق وئرون نئجه سوز گلدی چاتدی اخیامه
گون اورتا روز دهم تشنه دیل دَیور کامه
.
مُحوّل اولدی ابالفضله نهر؛ تسخیری
وروبدی علقمه بیرق، دیلینده تکبیری
.
تصوّر ایله ئورک یوخدی مثلی عالَمده
حسینون عاشقی عطشان دوروبدی علقمده
.
وجودی شعله چکور تشنه لب، ولی فرمان
ئورکدن آلدی دئدی تشنه دور امام زمان
.
اگر ایچم بو سودان سو دوءنر بوتون قانه
خجالت اُم بَنینی سالار بیابانه
.
اگر منیم آدیم عباسیدور یَمِ غیرت
فراتی یاندیرارام شرمیدن ائدر حیرت
.
#حسینیه_مدح
#عباسیه_شجاعت
#حسیندی_عالم_عشقه_شهنشه_جبروت
#ترکی
.
✍️ #زبدةالاشعار ✍️
.
🆔: @nohe_torki
نظر دهید