ابوالفضل عشقینه …
.
✍️ زبدة الاشعار ✍️
.
🆔: @nohe_torki
.
#واصف_مرندی
.
لطف و احسان ائت خداوندا ابوالفضل عشقینه
معنویاتی ائدیم معنا ابوالفضل عشقینه
.
.
قانینی جوهرائدیب قولارینی قانلی قلم
حضرت زهرا ویریب امضا ابوالفضل عشقینه
.
.
آی بومجلسده اولانلار سیز بولون صدق وصفا
کیم گوروب دنیا بویی عباس تک مرد وفا
اللری مشکل گشادیر درگهی دارلشفا
دردلره درمان اولار بیر یا ابوالفضل عشقینه
.
.
عرضیمه گفتاریمه قلباً موافقسن اگر
بو صفالی مجلسه البتده لایقسن اگر
عشقیوی ثابت ائله شایسته عاشقسن اگر
عشقیده قطره اولار دریا، ابوالفضل عشقینه
.
.
هراورکده حُبّی اولسا آتشین احساس اولار
قبرینه مشتاق اولانلار آدینا حساس اولار
فاتح خیبردن الحق قهرمان عباس اولار
قولاریندان بوس ائدر مولا ابوالفضل عشقینه
.
.
ایستدی آلله اورکلر غصه دن اولسون رها
نازل ائتدی حضرت پیغمبره شمس الضحا
بو حسین گوندی ابوالفضل آی تاپیب خلقت بها
افتخارایلر حسین اما ابوالفضل عشقینه
.
.
جلوه دن ماه بنی هاشم ئوزی تابنده دی
عبد صالح جنبه سیندن بیر مقرب بنده دی
رتبه سی باب الحوائج باذل وبخشنده دی
رتبۀ مخصوصیدی گویا ابوالفضل عشقینه
.
.
لایقیدی واقعاً مرد جهان آرا لیقا
انتخاب اولدی حسین درگاهینه سقالیقا
آچ بصیرت گوزلری سقاده باخ آقالیقا
غبطه ایلرهرجهان آرا ابوالفضل عشقینه
.
.
حسن خدمتدن اولوبدور نامدارو محترم
جنبه سیندن لایقیدی ائتدیلرصاحب علم
یازدی پیشانی تاریخه بو اوصافی قلم
فتح اولوب میدان عاشورا ابوالفضل عشقینه
.
.
عفوائله یابن الحسن بیر سائل احسانیوم
قاره کوینک گیمیشم مشتاق و سرگردانیوم
گر حسین عباسینه عنوان ائده قربانیوم
وار یری قربان اولا دنیا ابوالفضل عشقینه
.
.
آند اولا کوی وفاده بو قرا پرچملره
عالم ایثار و حریتده کی عالملره
باش چکر زهرا ئوزی بو مجلس ماتملره
کربلایه باش چکوب زهرا ابوالفضل عشقینه
.
.
چوخ پریشان حالیلن زهرا یتوردی علقمه
قورخولی میداندا باخدی قانه باتمیش پرچمه
گوردی تپراقه یازیلمیش قانیلن یا فاطمه
لاله لی گلزار اولوب صحرا ابوالفضل عشقینه
.
.
ائتدی فرمایش بو دردین قلبیمی چیرپیندیرار
آه جانسوزین بونخلستان فضاسین یاندیرار
قولارین گورسه حسینین قامتین غم سیندیرار
مجلس ماتم ائدر برپا ابوالفضل عشقینه
.
.
عطر زهرائیله ادرک صوتینی آلدی حسین
علقمی قصد ایلدی صحرایه آت سالدی حسین
تاپدی یولدا قولارین حالدان حالا قالدی حسین
قامتین بوکدی غم عظما ابوالفضل عشقینه
.
.
یازدی بو اشعاری «واصف» حاجت حساسیدن
بیرگجه عرض ادبدن آتشین احساسیدن
بیرمریضه چاره ایستیردی درعباسیدن
شوره گلمیشدی قلم گویا ابوالفضل عشقینه
.
.
.
#عباسیه_مدح
#لطف_و_احسان_ائت_خداوندا_ابوالفضل_عشقینه
#واصف_مرندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید