غارت خیام
.
✍️ زبدة الاشعار ✍️
?: @nohe_torki
.
سبک :: حسین جان گل علمدارون …
.
ابوالفضل عباسی معروفان
.
حسین جان زینبون قالدی
یامان گونه اماندی تئز گل
تالاندی خیمه لر قارداش
شرار ظلمه یاندی تئز گل
.
کمکسیزم هرایه تئز گل
باشیم دوشوب بلایه تئز گل
.
.
.
.
باجون مشکلده غرق اولدی
هایاندداسان منیم پناهیم
گمانون اولسا بیر باش چک
یوخومدی آیری دادخواهیم
بو مأواده تکم والله
فقط خدادی تکیه گاهیم
گواه و شاهد دردیم
خدای لامکاندی تئز گل
.
حریم مرتضایه تئز گل
باشیم دوشوب بلایه تئز گل
.
.
.
.
ائلیکه مقتله دوشدون
حسین عدو تاپوب جسارت
قوتاردی جنگ و پیکار و
یتوب زمان و قصد غارت
چکوب خنجر ووروب قمچی
حرملروندن آلدی طاقت
آدامسیزلار بیابانه
هراسیلن رواندی تئز گل
.
گلوب حریم نوایه تئز گل
باشیم دوشوب بلایه تئز گل
.
.
.
.
بو طوفان مصیبتدن
سینوبدی گوللرین بوداقی
ووروبلار قیزلاری حتی
سه ساله بیر یتیم اوشاقی
یخلدی بعضی سی جسمون
داغیتدی آتلارون ایاقی
قالوب بی جان تراب اوسته
بدن قانا بویاندی تئز گل
.
بو باغ خوش نمایه تئز گل
باشیم دوشوب بلایه تئز گل
.
.
.
.
آچوب ال غارته لشکر
پیاده بعضی سی سواره
نه قالدی زیور و معجر
نه الده خیردا گوشواره
گئدوبدور غارته حتی
بو چولده خیردا گاهواره
سوسوزدان یاتمیان گوزلر
دوباره دن اویاندی تئز گل
.
اوجالدی سس سمایه تئز گل
باشیم دوشوب بلایه تئز گل
.
.
.
.
اوت آلدی خیمه لر نارِ
جفا سمایه شعله چکدی
امیدیم اولدی خاکستر
ئورک اوتی شراره چکدی
بیلور زین العبا اوغلون
بو عرصه ده باجون نه چکدی
منیم آلام و افکاریم
او مظطره عیاندی تئز گل
.
یانوب گلور نوایه تئز گل
باشیم دوشوب بلایه تئز گل
.
.
.
.
بیر آز دقت ائدوب گوردوم
فلکده کمدی بیر ستاره
یانان چادرده بیماری
سالوبدی شعله لر حصاره
ئوزوم ووردوم اوتا چکدیم
اونون وجودینی کناره
دئدی عمه بو ایثارون
بهاسی چوخ گراندی تئز گل
.
الون آچوب دعایه تئز گل
باشیم دوشوب بلایه تئز گل
.
.
.
.
کمکسیز عورتون درد و
غمینده زار و دلغمینم
ئوزوم بی یاورم اما
بو جمعه یاور و معینم
خوشام گر شهپریم یانسا
فدای رهبریم حسینم
سنه اثبات اولار عشقیم
عیاری بی کراندی تئز گل
.
بو حاله یوخ گلایه تئز گل
باشیم دوشوب بلایه تئز گل
.
.
#غارت_خیام
#حسین_جان_زینبون_قالدی
#معروف_اهری
#ترکی
✍️ #زبدةالاشعار ✍️
?: @nohe_torki
نظر دهید