زبدةالاشعار

حسین محبتون ایتمیش منی چو دیوانه – #حسینیه_تابع_تبریزی

آرزوی کربلا
#گریز به #قتلگاه و عصر #عاشورا
.
✍️ زبدة الاشعار ✍️

?: @nohe_torki
.
مرحوم محمد حسن تابع دین ( تابع تبریزی )
.
حسین محبتون ایتمیش منی چو دیوانه
خیال وصلیله پر چالمیشام چو پروانه
.
دوشوب منیم گذریم چوخلی گلشن و چمنه
اورک گوزوم ولی ایتمیش نظرده ویرانه
.
باشیمدا واردی منیم آرزوی کرب و بلا
او کربلا که سو ویرموبله اوردا مهمانه‌
.
نصیبیم اولماسا گر کربلا نه عشقیدی بو
ترحم ایت منه ویر بیر برات شاهانه
.
گلوم قویوم یوزومی قتلگاه توپراقینا
دییم دور ای بَلَشن صورتی قزیل قانه
.
همین او یرده سنی شمر سالدی طاقتدن
همین او یر گتوروب اهل بیتون افغانه
.
همین او یرده یخلدون یره آت اوستوندن
دیموبله پیکریوون زخمی گلموری سانه
.
او یرده شمر لعین باشیوی کسوب دالیدان
نجه دیوم بو سوزی ای بتوله دردانه
.
کسنده باشیوی زینب یاپوشدی خنجردن
باجوندا سن کیمی باتدی اویرده القانه
.
کسولدی اللری گلمور دلیم بیان ایلیم
بو قدر وار باجیوون گِتدی صبری تالانه
.
قیتدی خیمیه گوز یاشی گوزده اللر قان
حزین سسیله بویوردی باخون بو میدانه
.
نه گوردولر که قرا یللر اسدی گون باتدی
ویروبله سس سسه یکسر گلوبله افغانه
.
قیامت عالمی اولدی خیامدن ظاهر
قاریشدی بیر بیرینه اشنا و بیگانه
.
چالیندی طبل فرح کوفیان سمتیندن
خیمده خیمنی قیزلار ایدوب عزاخانه
.
اویاندا شمر ویروب نیزیه حسین باشینی
جدا باشیندا دیوب ذکر حی سبحانه
.
ویریلدی لشگره فرمان گیدون خیامه طرف
توکولدولر ویروب اود اودلانوبدی کاشانه
.
بیوک کچیک هاموسی وامحمدا دلده
باشندا اللری یوز قویدولار بیابانه
.
نجه دیوم بوسوزی آه یا امام زمان
قالوب اود ایچره یانوب نچه نازلی دردانه
.
بحق اوددا قالان قیزلار ای پناه جهان
اماندی قویما یانیم منده نار سوزانه
.
جزا گونونده منه سن شفاعت ایلمسن
چکر وجودیمی کامه او اودلی نیرانه
.
اگر چه تابع دینم گنه چوخ ایلمیشم
اودور سبب گلورم بیله آه و افغانه
.
کمک لیق ائت منه دلسوز اولسون اشعاریم
مبدل ایت سوزومی نچه غملی دیوانه
.

متن پیشنهادی:  بو گون یاندی حسینون خیمه گاهی #غارت_خیام #کاتب_اردبیلی

#آرزوی_کربلا
#حسینیه_مدح
#حسین_محبتون_ایتمیش_منی_چو_دیوانه
#تابع_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی