دوتوب شهادته رأیون قرار علی اکبر #اکبریه_حقیر_خویی

زبانحال حضرت سکینه(س)به برادرش
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیر خویی
.
دوتوب شهادته رأیون قرار علی اکبر
ئولوم آتینا اولوبسان سوار علی اکبر
.
اماندی رحم ائله لیلایه سندن آیریلسا
دوشر بو چوللره دیوانه وار علی اکبر
.
خزان گلی کیمی گور غنچه لبلریم قوریوب
سالوب عطش جگریمه شرار علی اکبر
.
سو ایچمرم سوسوزومدان اگر ئولم سو آدی
گتورمرم دیله بیر شرطی وار علی اکبر
.
که سنده عزم سفردن خیالی دوندره سن
تاپا تسلّی دل بیقرار علی اکبر
.
جهت بودور بو سفردن منیم گوزوم قورخوب
گئدن قیتمیوب ای تاجدار علی اکبر
.
اگر بو شرطه رضاسن آتام حضورینده
قویاق سنیله قرار و مدار علی اکبر
.
رسول طلعتی آئینه ی جمالوندن
بوگون کیمی گورونور آشکار علی اکبر
.
خدا نکرده بو گیسوی مشگباروندن
اگر گوروم اوزولوب بیرجه تار علی اکبر
.
آچوب یوزه توکرم زلفیمی بیر آهیله
بو عالمی ائدرم تار و مار علی اکبر
.
اؤزوم اؤزومه ائدردیم علاج لیک ولی
خیالون الدن آلوب اختیار علی اکبر
.
«حقیره»لطف ائله روز جزاده قویما یانا
اولوبدی لطفوه امّیدوار علی اکبر
.
.
#اکبریه_شهادت
#دوتوب_شهادته_رأیون_قرار_علی_اکبر
#ترکی
.
✍️ #زبدةالاشعار ✍️
.
🆔: @nohe_torki