ورود مدینه و حالات حضرت صغری (س)
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
قاصد گلوبدی سالدی او گون شهره شور و شین
بولدی مدینه اهلی وئروب تشنه جان حسین
.
.
اهل و عیالی بی کس و بی پاسبان گلور
ال قولتوقوندا عورت اوشاق باغری قان گلور
گویا مدینیه تزه بیر کاروان گلور
یثرب یاخنلقندا حسینون بالالاری
آغلار گوزیله قوردولا یانمش چادرلاری
.
.
وقت اولدی قونشولار گله لر سرسلامته
جمع اولدولرا تمامیسی باب رسالته
صغری گوزی دوشنده بو پوزقون جماعته
گویا تصور ایلدی ملک عراقدن
سالم گلور باباسی قوتاردی فراقدن
.
.
اوّل تبسم ایلدی اول بلبل چمن
سسلندی جده : قورتاروری فرقت و محن
قوی بو جماعتیله گئدوم پیشوازه من
اکبر گلور سکینه گلور خوش خبر گلور
حمد خدا سفردن علی بی خطر گلور
.
.
گلشن گولر بهاریم اولار گوللریم آچار
یغ رختخوابی باشه یتوب جده انتظار
ایندی مدینیه یتشور بیر بیوک قطار
دوتموش بابامه اکبر مه پیکریم رکاب
قونداقدن آچوبدی علی اصغرین رباب
.
.
جده بهار اولاندا نه خوش فصلدور گه
جه جه وورار صفا یته گلشنده بلبله
قاسم آناسی لیلی آناملا گوله گوله
قاسم قاباقلاریندا گلور خوش خرامیدور
محملده اگلشوب هاموسی شادکامدور
.
.
بلبل قونوبدی جده گئنه گول بوداقینه
عباس عموم رقیه نی آلموش قوجاقینه
عهد ائتمیشم دوشم عموم عباس ایاقینه
ناز ایلرم قوجاقه منی گر عموم آلا
من سسلرم عمو! دیه جک جان منه بالا
.
.
صاحب لوادی چون عمومون چوخ صفاسی وار
آلسا منی قوجاقه گوزل بیر صفاسی وار
هر قول اوزوندی جده اونون چوخ سخاسی وار
خوش گلدین ائتمگه بیزه مردم یقین گلر
اوغلانلارین آناسیدی ام البنین گلر
.
.
صغری دوروب ایاقه وئره منزله صفا
داخل اولوب زنان مدینه دولوب سرا
بیردن سالوبلا فاطمه نون باشنه قرا
لرزان اولوبدی فاطمه تترشدی دیزلری
دوشموشدی نطقدن ولی آغلاردی گوزلری
.
.
فرمایش ائتدی: عاطفه نوع بشرده دی
رحم ایلیون منه داخی جانیم خطرده دی
سالمون قرانی باشیمه اکبر سفرده دی
واردور مسافریم گول آچور گوللریم منیم
یوز دوندروب گلور وطنه ائللریم منیم
.
.
صغرایه باخدی عورت اوشاق ایلیوب نوا
عرض ایلیوبله جانیوه جانلار اولا فدا
الله ذوالجلال سنه صبر ائده عطا
باد خزان اسوبدی سولوب گوللرون سنون
باشون ساق اولسون ئولدی علی اکبرون سنون
.
.
کرب وبلاده حدن آشوب ظلمیله ستم
عباسیوون اولوب هر ایکی قوللاری قلم
نه جام وار نه مشک نه ال وار نه ده علم
صحرای کربلاده بابا بی کفن یاتوب
اصغرده قاننی باباوون قانینه قاتوب
.
.
شیون صداسی دوتدی سرای امامتی
برپا ائدوب زنان مدینه قیامتی
صغرا مصیبتی هامودان آلدی طاقتی
عورت اوشاق فغانه گلوب آچدی باشلارین
ایوای یاحسین دیوبن یولدی ساشلارین
.
.
صغرا دئدی: وفا گولونی بس اکوم گلوم
ناکاملر اطاقینه قاره چکوم گلوم
قارداشسیز اولموشام باشمه کول توکوم گلوم
ای جده یخدی صبر ائویمی گردش فلک
اکبر دیوب قیامته تک آغلیام گرک
.
.
یاز «نادری» دشووب گوزی گریان سراقینه
دفتر گوتور گئدک بیز اسیران سراقینه
زین العباد خانه سی ویران سراقینه
ای جده سن باغشلا چوخ اینجیتمیشم سنی
بیر زحتیم قالوب ، یتور اُول عمّه مه منی
.
.
#حضرت_صغری
#قاصد_گلوبدی_سالدی_او_گون_شهره_شور_و_شین
#ترکی
.
✍️ #زبدةالاشعار ✍️
.
🆔: @nohe_torki
نظر دهید