دیار کوفه ده بیر مرد جانی #حیدریه_شعاع_تبریزی

ضربت خوردن حضرت علی (ع)
.
✍️ #زبدةالاشعار ✍️
.
🆔: @nohe_torki
.
#سبک_بیا_یابن_الحسن_آرام_جانم … ۳ سبک … کجائید ای شهیدان خدایی … شور جوشی زنجیر
.
مرحوم شعاع تبریزی
.
دیار کوفه ده بیر مرد جانی
ایدیبدور قانه غلطان مرتضانی
.
جفاده ایتدی طغیان ابن ملجم
پوزوب ظلمی نظام ماسوانی
.
ساتوب دنیایه دینین بی مروت
قویوب آغلار حریم کبریانی
.
وروب اود خرمن دینه او بی دین
شراری یاندروب کون ومکانی
.
تاپوب ال بزم قرب کبریاده
ولیّ داوره صبحون زمانی
.
نماز اوسته کمین ایلوب امامی
گتوردی نالیه کرّوبیانی
.
شه دین سجده دن باش قوزیاندا
او کافر یخدی ارکان هدانی
.
وروب بیر تیغ کین فرق امامه
او ضربت تیتردوب عرش خدانی
.
عمامه رد اولوب باش پارچاندی
ترابه بوترابون آخدى قانی
.
اولوب قانیله الوان آغ محاسن
کسیلدی طاقت و تاب و توانی
.
هواده باش آچوب جبریل ناگه
ایدوب اعلان او غملی ماجرانی
.
دیدی آند اولسون اللهه ستمله
بو گون ئولدوردولر شیر خدانی
.
دیوب فضت برب الکعبه دلدن
چکوب بیر آه یاندردی جهانی
.
.
ایشنیدی بوسسی بیچاره زینب
اوجالدی گرگلره داد و فغانی
.
داخی گولمز یوزی اولدی یقینی
بو جرأتدن ایچر جام بلانی
.
او ظلم اولدی سبب زهریله جعده
ایدوب مسموم امام مجتبانی
.
دیار کربلاده بو جسارت
گتوردی جرأته سفیانیانی
.
ایدوب لیلانی مجنون هجر اکبر
سالوب صحرالره اول بینوانی
.
او ظلم اولدی سبب بزم شرابه
چکوبلر عترت خیرالورانی
.
طناب ظلمه باغلاندی حرملر
دوتوب شیون او گون موج فضانی
.
اسوب باد خزان گلزار دینه
پوزولدی ظلمله دین گلستانی
.
ایچیبدور باغبان جام شهادت
یتیشدی باشه گلزارین خزانی
.
اولوبدور باغریقان بوغمده بلبل
رقیه اولدی گلشن نغمه خوانی
.
«شعاعیله» الهی قسمت ایله
بو جمعه مرقد آل عبانی
.
.
.
#حیدریه_شعاع_تبریزی
#حیدریه_شهادت
#دیار_کوفه_ده_بیر_مرد_جانی
#ترکی
.
✍️ #زبدةالاشعار ✍️
.
🆔: @nohe_torki