شهادت حضرت علی (ع)
..
..
..
#سبک_یا_فاطمه_من_عقده_دل_وا_نکردم
#سبک_ای_درد_بی_درمانلارا …
..
#سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم :
واگیر : ((ناله ائدیر ارض و سما … عالم اولوب ماتمسرا … مظلوم علی وای ))
..
..
..
مرحوم خوندل تبریزی
..
..
..
بیرده على مشکل گورر دنیای هستی
جبران ایدنمز ملک هستی بو شکستی
گلمز علینون بیرده نواسی
صوت اذانی ذکر دعاسی
..
..
..
میدان جنگین قهرمان نامداری
شمشیر زهر آلودین اولدی زخمداری
ظلمیله سیندی رکن هدایت
دوشدی ایاقدان شاه ولایت
..
..
..
شمشیردن آلدی نوید وصل یاری
باش یاره سیله باشه یندی انتظاری
الله قوتولدوم بو غصه لردن
آلام شبدن رنج سحردن
..
..
..
گویا پوزولدی ظلمیله آداب کوفه
بیرده على گورمز داخی محراب کوفه
امکانی اولماز راز و نیازه
بیرده اومولا گلمز نمازه
..
..
..
مینلر اگر نسل بشر گلسه جهانه
هیهات گورسون بیر علی چشم زمانه
نه تک نظردن بیر اهلین آتماز
اوز قاتلینده یاددان چخاتماز
..
..
..
قانیله دولموشدی على قلبی لبالب
فزت و رب الکعبه دن روشندی مطلب
تا تیغ دشمن ایتدی اصابت
سسلندی اولدوم دنیاده راحت
..
..
..
ناگه فضاده سلنوب پیک رسالت
والله یکسر سندی ارکان هدایت
ظلم اهلی یخدی رکن خدانی
سالدی ایاقدان شیر خدانی
..
..
..
تاریخ انسانیتین روشن مثالی
یعنی علی المرتضی مولی الموالی
سالمازدی گوزدن بیر مستمندی
بیر بی پناهی بیر دردمندی
..
..
..
روح الامین فریاد ایدوب کشف اولدی مطلب
ای وای بابام وای ناگهان سسلندی زینب
گلدی نوایه اول کان عصمت
سسلندی گویا ئولدی عدالت
..
..
..
قتله یتوردی ابن ملجم مرتضانی
ئولدوردی دشمن ابن عمّ مصطفانی
آفاقی دوتدی بیر ابر ظلمت
قان هاله وردی ماه امامت
..
..
..
بیر عمرقان ایتمشدیلر قلب عزیزین
گورموشدی عمرون عمروجه جنگ و ستیزین
اما واریدی بیر استقامت
ایستردی تاپسون فیض شهادت
..
..
..
مسجدده نه تک فاتح خیبر یخلدی
یکسر ستون مسجد و منبر یخلدى
شمس ولایت دوشدی کسوفه
قانیله دولدی محراب کوفه
.
.
#حیدریه #خوندل_تبریزی
#حیدریه_شهادت
#بیرده_على_مشکل_گورر_دنیای_هستی
#ترکی
#زبدةالاشعار
نظر دهید